Edhe pse ka mbetur një ndër platformat më pak të përdorshme, për spektakle gjigande që janë live – televizioni mbetet alternativa kryesore.

Për çdo vit, mijëra shikues vendosen para televizionit të tyre për të parë edicionin vjetor të muzikës. Janë çmimet Grammy që ushtrojnë magjinë e tyre tek shikuesit.

Startimi me paradat muzikore me kostume mahnitëse, këngët e nominuara të interpretuara me performanca gjigande dhe prezantim si spektakël, janë detajet që e lidhin shikuesin me televizionin e tyre.

Edhe pse edicionin e parë e patën në vitin 1958, spektakli Grammy nuk u transmetua në televizion deri në vitin 1971, në vend të kësaj ceremonia u filmua dhe u transmetua në NBC gjatë gjithë kohës.

Grammys

Origjina e Grammy, është pjesë e projektit Hollywood Walk of Fame në vitet 1950. Drejtuesit e regjistrimeve në “Walk of Fame” përpiluan një listë të njerëzve të rëndësishëm të industrisë së arteve që mund të kualifikoheshin për një yll në Walk of Fame, duke krijuar çmime të dhëna nga industria e tyre të ngjashme me Oscars dhe Emmys, teksa ende nuk dihej se si do të quheshin çmimet për industrinë e muzikës. 

Një ndër propozimet ishte titulli “Eddie”, për të nderuar Thomas Edison, shpikësin e gramafonit, por përfundimisht, emri u zgjodh pas një konkursi me postë ku rreth 300 konkurrentë votuan emrin “Grammy”.

Emri ‘Grammy’ është për shkak se Grammy është një trofe, i cili i jepet fituesit, ku fillimisht u njoh si Gramophone Awards, i cili u shkurtua në emrin e tij aktual ‘Grammy’. Akademia Kombëtare e Arteve dhe Shkencës së Regjistrimit e krijoi këtë çmim vetëm për arritjet e jashtëzakonshme në industrinë e muzikës.

Kjo ceremoni u konsiderua si një ndër çmimet më prestigjioze në industrinë e muzikës. Ishte Pierre Cossetter, që bleu të drejtat për transmetimin e Grammys në vitin 1971 dhe ishte nën udhëheqjen e saj që kur Grammy u transmetua drejtpërdrejt.

Ceremonia e parë e ndarjes së çmimeve u mbajt njëkohësisht në dy vende, më 4 maj 1959, në Beverly Hills, Kaliforni dhe Park Sheraton Hotel, New York,  ku u dhuruan 28 çmime Grammy. Numri i çmimeve të dhëna u rrit, në një kohë duke arritur në mbi 100, dhe u luhat me kalimin e viteve me kategoritë e shtuara.

Qëllimi i tyre përfundimtar ishte të vendosnin një standard cilësor në industrinë e muzikës. Që nga fillimi, Grammys kanë qenë të njëanshëm për rock-un dhe për çdo valë tjetër rebele, nga R&B në Woodstock, muzikën e re, muzikën e rrugës dhe repin. Megjithatë, ndryshimi nuk erdhi lehtë. Çmimi i parë për muzikën rock nuk u dha deri në vitin 1961.

Që nga viti 2007, janë dhënë 7,578 trofe. 

Grupi i cili mban rekordin me më së shumti fitore është U2, i cili ka fituar 22 çmime, ndërsa këngëtarja e cila ka më së shumti çmime është Beyonce me 28 Grammys. 

Grammys janë “kryqëzuar” gjithmonë nga publiku se i kushtojnë vëmendje vetëm shitjeve të mëdha të albumeve dhe shpërblejnë vetëm ata artistë që ishin të suksesshëm komercialisht. Ata gjithashtu kritikohen për shpërndarjen e çmimeve të panumërta, më shumë se sa nevojiten dhe se një pjesë e madhe e ceremonisë është “mbushëse” duke rezultuar në një angazhim më të gjatë. Kritikët e shohin ceremoninë thjesht si vetë-përgëzuese për industrinë.

Maynard James Keenan, këngëtari i zhanrit rock, ka shprehur mendimin e tij personal për natyrën e Grammys.

Ai ka thënë: “Unë mendoj se Grammys nuk janë gjë tjetër veçse një makinë gjigante promovuese për industrinë e muzikës. Ata kujdesen për një intelekt të ulët dhe ushqejnë masat. Ata nuk e nderojnë artin apo artistin për atë që ka krijuar. Është biznesi i muzikës që feston veten. Në thelb, bëhet fjalë për këtë.”

Grammy ka zgjatur mbi 50 vjet, pavarësisht nga të gjitha kritikat.

Deri më sot, është vlerësuar se në vitin 2010 Grammy regjistroi më së shumti shikues se ndonjëherë, me rreth 25 milionë.

Si rezultat, Grammy promovon aftësinë e saj për të tërhequr dashamirët e muzikës në televizorët e tyre.