30 Korrik, 2025

Shkruan: Erletë Rrustemi

 

Kumti i editorëve: Ky artikull është shënuar për t’iu treguar gjendjen tonë emocionale, shpirtërore, politike, financiare, kulturore dhe motoristike bazuar në ngjarjet e vërteta të ditëve të shkuara dhe domethënien e tyre për ne! Artikulli është përmbledhje javore me lajme që kryesuan javë  dhe bëhen një me ty kur ndajmë lajmet e njëjta në Kosovën tonë. Paper ndanë me ty!

Se di kush e ka thënë por një nga gjërat më ironike në jetë është ajo thënja që jeta duhet të jetohet para por ka kuptim vetëm kur shohim nga mbrapa (kur kthehemi nga e kaluara). Sa tragjike… pastaj sjellë në mendje që sekreti i jetës është të harxhosh kohë në gjërat që do më së shumti. Pastaj pse të mos e kthesh kokën në kohën që e ke shpenzuar mirë.

Çka ndodhi dje në Kosovë?

Kosova si vend është shumë i bukur, ka vende të bukura, ka liqene të bukura por është shumë e trishtë kur këto vende bëhen kujtime të humbjes, rasti i mërgimtarit, i cili humbi jetën dhe trupi i tij është gjetur i pajetë që të dielën kur u zhduk në ujërat e Ujmanit, pas hedhjes nga ura. Operacioni u realizua nga FSK-ja, së cilës KFOR-i ia lejoi përfshirjen në këtë pjesë të veriut, tek në ditën e tretë të kërkimit. Por, pjesëmarrja e Forcës së Sigurisë së Kosovës, në operacionin e kërkim-shpëtimit në liqenin e Ujmanit, u ka shërbyer partive politike të polemizojnë në distancë.

Askush nuk e bëri llaf faktin që një person vdiq dhe më nuk është në mesin e familjarëve të tij. Është më se e kuptueshme që i ndjeri nuk është hedhur duke mendu se ka për të vdekur, por nuk është aspak e hijeshme që tërë ditën të diskutohet ky rast si “fenomen i cili u realizua për patriotizëm” edhe nëse qeveria apo partia në pushtet e shfrytëzoi rastin për propagandë të vetë “për sovranitetin në veri i cili duket i tillë me shkuarjen për herë të pestë të FSK-së që nga krijimi”. Ku janë shenjat që tregojnë se ndalohet hudhja nga ura? Po, shumica prej qytetarëve nuk e kanë vizitu Ujmanin dhe arsyet për këtë janë shume valide… a dëshirojmë tash ta kalojmë kohën duke e komentu se sa ka dashur i ndjeri me tregu patriotizëm me hudhjen e tij… jo nuk duhet! Po veprimi i tij ka sjellë pasoja vdekjeprurëse por është vonë të shesim mend se kush e ka më mirë! Sot një djal i ri i mungon Kosovës, ngushëllime familjes!

****

Zyra e Rregullatorit të Energjisë ka deklaruar se liberalizimi i tregut të energjisë elektrike nuk mund të shtyhet.

Çysh u ndal diskutimi i kësaj teme a?

ZRRE-ja ka thënë se zbatimi i tij përbën një obligim ligjor, i cili nuk mund të shtyhet mbi baza të kërkesave të palëve të interesit.

***

Instituti GAP të martën ka publikuar raportin e përvitshëm “Indeksi i Transparencës Buxhetore të Komunave 2024”, i cili vlerëson nivelin e publikimit të dokumenteve buxhetore në të gjitha komunat e Kosovës.

Sipas raportit, nëntë komuna kanë arritur pikët maksimale (100) në këtë indeks, duke shënuar numrin më të lartë të komunave transparente që nga fillimi i matjeve në vitin 2017. Bëhet fjalë për komunat Kaçanik, Klinë, Lipjan, Mitrovicë e Jugut, Prizren, Rahovec, Shtime, Skënderaj dhe Vushtrri.

Komuna me përmirësimin më të theksuar është ajo e Mitrovicës së Veriut, e cila ka ngritur performancën për 46 pikë, duke u ngjitur për shtatë vende në renditje. Vitia gjithashtu ka shënuar progres të dukshëm me 45 pikë më shumë se vitin e kaluar, duke arritur në 90 pikë në total, sipas GAP-it.

Nashta është e rëndësishme me e pa kush ka tregu transparencë edhe prej kujt udhëheqen këto komuna që transparenca e tyre të reflektojë edhe në rezultatin e zgjedhjeve.

***

Derisa ky edicion i festivalit “Sunny Hill” paralajmërohet si spektakël madhështor me emra të njohur në botën e muzikës, nuk do të mungojë pjesa edukative. Krahas festës me muzikë, një grup të rinjsh me mentorët e tyre do të jenë të angazhuar për të zhvilluar e përmirësuar aftësitë e shkrimit të teksteve të këngëve.

Me shkollën prestigjioze suedeze “Musikmakarna” dhe fondacionin “Sunny Hill”, të rinjtë nga Kosova e Suedia, i bashkon talenti për të krijuar magji me muzikë.

***
Mos e ndërto lumturinë mbi pritjet. Jeta nuk është një kontratë ku merr atë që mendon se meriton, por një dhuratë e çuditshme që shpesh vjen në paketim të pazakontë. Në vend që të presësh, mëso të shohësh, mëso të vlerësosh aromën e kafesë në mëngjes, një fjalë të ngrohtë, dritën që bie mbi fytyrën tënde. Kur nuk pret asgjë, gjithçka bëhet mrekulli.