Ballina - Paper Play Radio

Ditari i aktualitetit

Kumti mbi ditarin e aktualitetit

Lajmet në këtë kategori janë shënuar për t’ju mbajtur të informuar me ngjarjet aktuale dhe të sakta por gjithashtu edhe për t’ju sjellë argëtim. Me këto lajme do t’ju sjellim informacionet më të fundit por pse të mos e bëjmë informatën përgjatë rrugës pak më argëtuese?

Shkrimet tona janë një reflektim i përditshmërisë së larmishme. Mos i merrni shumë personale, thjeshtë po udhëtojmë së bashku në përditshmëri që secili po e përjetojmë… bota është paksa e rrëmujshme por gjithmonë ditën tjetër është më e qetë.

Përmes Ditarit të Aktualiteteve, do të keni mundësinë të eksploroni këto nënkategori. Lexoni qëllimin e nënkategorive:

-N’Kosovë- Autorët “lëshojnë dorën” me shkrimet për më të rejat nga situatat politike dhe vendore

-Kojshitë- Do të ju njoftojmë dhe argëtojmë për informatat e fundit nga vendet fqinje rreth Kosovës.

-T’mirat financiare – Çdo lajm që lidhet me ekonominë e Kosovës dhe rajonit, i cili ndikon drejtpërdrejt ose tërthorazi në vend, vjen në një format të ndryshëm dhe të lehtë për t’u kuptuar.

-Fakte abstrakte – Flet vetë përshkrimi.

-Sport- Çmimet më të mëdha që Kosovën e vendosën si kampion, përmes sportit janë shënuar, sigurisht që edhe në këtë nënkategori kemi për t’ju informuar.

-Parashikimet nga horoskopi- Realitet apo fantazi? Për ata që pëlqejnë astrologjinë, Ditari i Aktualiteteve do t’ju ofrojë një shans për të eksploruar parashikime interesante që lidhen me personazhe të njohura nga Kosova dhe ngjarje të ndryshme.

-Paper Explorer – vendet më të bukura në Kosovë dhe Shqipëri? T’i hedhim një shikim se çka mund të vizitojmë.

Mos harro të qëndrosh i përditësuar dhe të shijosh anën argëtuese të informacionit.

Rreth Paper Radio

Mirëserdhe në Paper Play Radio, në frekuencën që t’përcjellë nga muzgu e deri në agim.

Paper, është radio e parë nga Kosova që shtrihet në Shqipëri deri në kufinjtë grek. E krijuar në dhjetor të vitit 2020 me rrugëtimin e saj që nisi nga zemra e Prishtinës, Paper Play Radio, ka shtrirë ndikimin e saj në gusht të vitit 2024, drejt Shqipërisë për të ofruar stilin e saj autentik të frymës urbane me audiencën e gjerë shqiptare.

Misioni ynë është shoqërimi i dëgjuesit në çdo emocion, nga momenti që ndezni makinën tuaj për të nisur ditën e deri në lëvizjen e fundit kur e përfundoni ditën, duke u bërë një me ju. Paper Play Radio, prezanton gërshetimin e ngjarjeve më të rëndësishme ditore, për ta lehtësuar ditën tuaj së bashku me muzikën unike.

Paper Play, ka për qëllim, shoqërimin e secilit dëgjues përgjatë udhëtimeve ditore, duke ju ofruar një përzierje unike të humorit dhe informimit me katër emisionet e përditshme qëndrore. Mëngjesin me “Early Birds”, paraditën me “Spice time me Erëzen”, mesditën me emisionin politik “Pak ma drejt” dhe mbylljen e skemës programore live, me “Drive time” me Shukin.

Vizioni ynë është përfshirja e sa më shumë njerëzve në rrugëtimin e Paper. Rrugëtimi nëpër nostalgji, kujtime, momente gëzimi e pikëllimi. Duke t’mbajtur e kthyer në kujtime! Për të përjetuar gjithçka pa i ikur përditshmërisë, realitetit që jeton.

A nuk është e mrekullueshme ta dish që përnjëmend e ke dikë në krah, që ta përcjell empatinë përmes valëve? Cilido që të jetë disponimi, PAPER do të shoqërojë emocionet tua me tregimet tona.

Dëgjuesit takojnë pritshmëritë e tyre atëherë kur kalojnë në frekuencën 91.1FM.

Paper Play Radio, soundtrack-u i jetës tuaj!