4 Gusht, 2025

Shkruan: Erletë Rrustemi

Kumti i editorëve: Ky artikull është shënuar për t’iu treguar gjendjen tonë emocionale, shpirtërore, politike, financiare, kulturore dhe motoristike bazuar në ngjarjet e vërteta të ditëve të shkuara dhe domethënien e tyre për ne! Artikulli është përmbledhje javore me lajme që kryesuan javë  dhe bëhen një me ty kur ndajmë lajmet e njëjta në Kosovën tonë. Paper ndanë me ty!

Mirëmengjesi i dashur lexues, dy arsye pse njerëzit nuk “i këqyrin punët e veta” janë: nuk kanë çfarë të shohin tjetër dhe e dyta nuk kanë punë përveç se tuat. Po ti lej anash, dije që e kanë me veten jo me ty. Mos harro shumë vëmendje e bën “majmunin të mendoj që është luan”.

Çka ndodhi këto ditë në Kosovë dhe që përfshiu shqiptarët pasi vetëm ngjarje të mëdha kanë ndodhur?

Gjatë një ndeshjeje basketbolli për kualifikimet në Kupën e Botës mes Maqedonisë së Veriut dhe Rumanisë, e zhvilluar më 2 gusht 2025 në Kumanovë, u dëgjuan thirrje skandaloze dhe raciste nga një pjesë e tifozëve maqedonas, që përfshinin slogane si “Një shqiptar i mirë është një shqiptar i vdekur”, “Dhoma gazi për shqiptarët” dhe “Maqedoni e pastër”. Këto thirrje tronditëse u bënë në praninë e zyrtarëve të lartë shtetërorë të Maqedonisë së Veriut, përfshirë kryeministrin Hristijan Mickoski dhe disa ministra, të cilët nuk reaguan në moment.

Mungesa e një qëndrimi të menjëhershëm institucional ngjalli reagime të forta nga opinionistët, politikanët dhe diplomatët shqiptarë, të cilët e konsideruan këtë sjellje si gjuhë urrejtjeje të papranueshme dhe të rrezikshme për bashkëjetesën ndëretnike në vend.

Federata e Basketbollit e Maqedonisë së Veriut reagoi më vonë, duke u distancuar nga incidenti dhe duke e quajtur atë të izoluar, ndërsa kërkesa për ndëshkim të përgjegjësve dhe hetim institucional mbetet e hapur. Kjo ngjarje ka rikthyer vëmendjen te standardet e dyfishta të reagimit ndërkombëtar, sidomos kur bëhet fjalë për fyerje raciste ndaj shqiptarëve në rajon.

Kur Evropa pretendon të ndërtojë ura bashkëjetese dhe përfshirjeje, kjo ngjarje e bën të qartë se standardet nuk janë të barabarta për të gjithë. Shumë shpejt dënohen fjalë apo veprime në Kosovë që mund të jenë të diskutueshme, ndërsa ndaj thirrjeve për spastrim etnik në një ndeshje sportive mbizotëron heshtja.

***

Dejan Pantiq, një prej emrave më të lakuar në tre vjetët e fundit për ngjarjet në veri që e sfiduan shtetin e Kosovës e ka në dorë fatin e tij: nëse do të vazhdojë të gjykohet në Prishtinë, apo jo. 

Pas dënimit me dy vjet burgim për “pjesëmarrje në turmë që kryen vepra penale dhe huliganizëm”, ai është lënë i lirë falë dorëzanisë prej 30 mijë eurosh. 

Për sulmin ndaj Komisionit Komunal Zgjedhor në Mitrovicë të Veriut më 2022, ai ishte akuzuar fillimisht për terrorizëm, por së fundi vepra iu ricilësua në huliganizëm. 

Kosova dhe Serbia nuk kanë bashkëpunim juridik ndërkombëtar, që nënkupton se Serbia nuk ia dorëzon Kosovës të pandehurit që strehohen në vendin fqinj.

Pos Roshiqit, në Serbi kanë ikur edhe të akuzuar e të dyshuar të shumtë. Ndër ta është edhe Milan Radoiçiq, i akuzuar për sulmin terrorist në Banjskë të Zveçanit, kur u vra rreshteri policor Afrim Bunjaku.

Çka nëse këro figura arrijnë të shmangin ndëshkimin e plotë duke u strehuar në Serbi, pa u përballur me drejtësinë në Kosovë.

***

Pas performancës së DJ Anyma, vëmendjen e ka marrë skena “C4” në Bërnicë të Poshtme.

DJ dhe producenti Tommy Gold me ritme elektronike e ka ftuar secilin në vallëzim.

Pas tij, festën do ta ketë në dorë Peggy Gou, e famshmja nga Koreja e Jugut.

Sipas raportimeve mbi 30 mijë persona morën pjesë në festival.

***

Mos lejo kurrë që entuziazmi të të nxitë të ndashë lajme para kohe. Shumë herë, kur ndjejmë se diçka e mirë po vjen – një projekt i ri, një mundësi, një lidhje, një ide, na kap dëshira e menjëhershme për ta treguar. Duam që njerëzit të dinë se diçka po ndodhë. Por e vërteta është se jo çdo gjë duhet të ndahet menjëherë.

***