6 Gusht, 2025

Shkruan: Erletë Rrustemi

 

Kumti i editorëve: Ky artikull është shënuar për t’iu treguar gjendjen tonë emocionale, shpirtërore, politike, financiare, kulturore dhe motoristike bazuar në ngjarjet e vërteta të ditëve të shkuara dhe domethënien e tyre për ne! Artikulli është përmbledhje javore me lajme që kryesuan javë  dhe bëhen një me ty kur ndajmë lajmet e njëjta në Kosovën tonë. Paper ndanë me ty!

Disa ndjenja nuk duan fjalë. Nganjëherë vetëm e ke brenda një përgjigje “Jo sot!” Më 1 maj 1994, Ayrton Senna, një nga shoferët më të mëdhenj në historinë e Formula 1, nuk donte të garonte. Diçka brenda tij i tha të mos e bënte. Dita para garës, ai kishte parë një kolegun e tij, ngasësin Roland Ratzenberger, të vdiste në të njëjtën pistë. Ai nuk ishte vetëm i tronditur, ai ndihej bosh. I shkëputur. Si të kishte marrë vesh tashmë shpirti i tij. Miku i tij, Dr. Sid Watkins, ju lut: “Mos garo nesër. Le të shkojmë për peshkim në vend të kësaj.” Senna ndaloi dhe zgjodhi të garojë. Ky ishte vendimi i fundit që mori ndonjëherë. Ai vdiq në një aksident fatal vetëm disa xhiro pasi nisi gara. Lexo edhe një herë të lutem.

***

Çka ndodhi dje në Kosovë?

Presidentja Osmani tërhiqet nga kërkesa për Gjykatën Kushtetuese

Dje, presidentja Vjosa Osmani njoftoi tërheqjen e një kërkese që kishte bërë më 22 korrik në Gjykatën Kushtetuese për interpretimin e vonesës së formimit të Kuvendit pas mos-kushtetueshmërisë së kohës prej 30 ditësh.

Arsyeja kryesore sipas saj: emërimi si raportues i gjyqtarit serb, Radomir Laban, për të cilin institucionet e sigurisë së Kosovës kanë raportuar që nga 2018, 2021 dhe 2024 se ai paraqet rrezik për rendin kushtetues dhe sigurinë kombëtare.

Analistët dhe ekspertët kushtetues si Ehat Miftaraj nga IKL dhe Ardian Bajraktari, kanë vënë në dukje se kjo tërheqje është shqetësuese dhe mund të dëmtojë pavarësinë e Kushtetueses por gjithashtu theksojnë se procesi nga gjykata nuk është automatikisht i ndaluar dhe mund të vazhdojë nëse ka interes publik të madh.

Por nëse një gjyqtar ka prapavijë të tillë, pse nuk u bë e ditur më herët?

***

Christopher Hill – këshilltar në Pupin Initiative

Ish-ambasadori amerikan në Serbi gjatë administratës Biden, Christopher Hill, është bashkuar si këshilltar i lartë (“senior advisor”) në organizatën serbe Pupin Initiative, me qëllim të zgjerimit të aktivitetit të saj në Uashington DC.

Pupin Initiative është një organizatë jopartiake dhe e financuar privatisht, që promovon dialogun dhe bashkëpunimin mes SHBA-së dhe Serbisë.

Ky angazhim është parë me shqetësim në kontekstin e dialogut Kosovë–Serbi dhe rolin historik të Hill si përfaqësues diplomatik amerikan.

Hill vetë ka deklaruar se SHBA-ja po tërhiqet gradualisht nga përfshirja e drejtpërdrejtë në Ballkan dhe zgjidhjet duhet të vijnë nga vetë rajoni.

***

Zyrtari serb që nxitë urrejtje, mbrohet nga diplomacia franceze.

Autoritetet franceze të Ministrisë së Punëve të Jashtme kanë bërë presion publik që Gjykata e Kosovës të liroj ndihmësdrejtorin e Zyrës për Kosovë në Qeverinë e Serbisë, Igor Popoviq, i cili kishte nxitur urrejtje etnike gjatë një vizite zyrtare në territorin e Kosovës, duke e quajtur UÇK-në organizatë terroriste.

Ironia e kësaj pune qëndron tek standardet franceze sipas të cilave, për këtë vepër, ai do të ishte ndëshkuar me deri në një vit burg dhe një gjobë prej 45,000 eurosh.

Ndërkohë, Franca ka kritikuar edhe vendimin e Qeverisë së Kosovës për mbylljen e organizatave serbe “paralele” si veprim që rrezikon përpjekjet për normalizim marrëdhëniesh dhe integrim evropian duke argumentuar se veprime të tilla mund të dëmtojnë komunitetin serb në veri të Kosovës.

***

Nganjëherë, jeta nuk të paralajmëron me fjalë. Ajo të pëshpërit përmes një ndjenje në stomak. Një ngushtim në kraharor. Një dhimbje e heshtur dhe nëse nuk dëgjon… kostoja mund të jetë gjithçka. Bota mund ta lavdërojë suksesin tënd. Por vetëm ti e di nëse shpirti yt është ende i paprekur.