26 Gusht, 2025

Shkruan: Erletë Rrustemi

Kumti i editorëve: Ky artikull është shënuar për t’iu treguar gjendjen tonë emocionale, shpirtërore, politike, financiare, kulturore dhe motoristike bazuar në ngjarjet e vërteta të ditëve të shkuara dhe domethënien e tyre për ne! Artikulli është përmbledhje javore me lajme që kryesuan javë  dhe bëhen një me ty kur ndajmë lajmet e njëjta në Kosovën tonë. Paper ndanë me ty!

Ne nuk i shohim gjërat ashtu siç janë, ne i shohim ato ashtu siç jemi!

Është një nga thënjet e mija të preferuara, e cila edhe në këto momente teksa po shkruaj, automatikisht tregon se jam tek realiteti i filtruar nga vetja ime. Pra ajo çka shoh nuk është një “e vërtetë absolute”, por pasqyrimi im mbi realitetin.

Por a vlenë kjo për të gjithë?

Të gjithë njerëzit, pavarësisht veprimeve të tyre, ata mendojnë se janë në anën e mirë të historisë!

A e di përshembull njerëzit të cilët morën vendim për largim nga moderimi/ekrani të gazetarëve Blerta Foniqi-Kabashit, Meneta Zekaj-Nushit, Arton Mulliqit, Edona Musa-Mustafës, Jehona Zhitisë dhe Valon Bajramit, që veprimi i tyre është përjashtim arbitrar apo mendojnë që vendimet e tyre janë të arsyeshme dhe të duhura.

6 gazetarët kanë njoftuar se menaxhmenti, pa paralajmërim, të premten e kaluar, i ka njoftuar se janë përjashtuar nga moderimi i magazinave informative të orës 17:00 dhe të orës 23:00.

Vlenë të theksohet se një vendim i tillë rrjedhi pas intervistës së gazetarës Blerta Foniqi-Kabashi me Fitore Pacollin, ku kjo e fundit  u kap me gazetaren e RTK-së, pasi ajo e pyeti për raportimet për subvencionet e ndara nga Ministria e Bujqësisë për dajën dhe vëllain e saj, duke e pyetur se pse nuk e ka ftuar më herët në emision. Pas intervistës, Pacolli ka bërë një postim ku ka thënë se pyetjet e gazetares ishin “të dirigjuara” dhe e ka sulmuar të njëjtën.

Rreth ngjarjes kanë reaguar Asociacioni i Gazetarëve të Kosovës, duke e dënuar këtë veprim.

Ne jo me u rangu në vendin e 99-të në Indeksin Botëror të Lirisë së Shtypit po diku ku s’ka as fund ma!

***

Në ditën e 133-të nga bllokada institucionale do të mbahet një seancë tjetër për konstituim të Kuvendit të Kosovës.

Nga partitë politike nuk ka pasur sinjale se sot do të mund t’i jepet fund ngërçit, i cili ka nisur që nga 15 prilli.

Deputetëve të Kuvendit të Kosovës u kanë mbetur edhe 23 ditë afat kushtetues për ta konstituuar Kuvendin.

Seancën e kaluar, Lëvizja Vetëvendosje ka propozuar ministrin në detyrë të Financave, Hekuran Murati, ministren në detyrë të Arsimit, Arbërie Nagavcin dhe deputetin Dimal Basha. Asnjëri nga ta nuk mori votat për kryeparlamentar.

***

Ja edhe një deklaratë e fuqishme që meriton vëmendje:

***