Kryeministri Edi Rama ka bërë thirrje publike që qytetarët nga Shqipëria, Kosova, Maqedonia e Veriut dhe diaspora t’i bashkohen protestës mbarëkombëtare që do të zhvillohet më 17 tetor, në orën 17:00 në Tiranë.

Protesta kërkon drejtësi për ish-krerët e Ushtrisë Çlirimtare të Kosovës që po gjykohen në Hagë. Në një postim në Facebook, Rama shkroi se ishte “i nderuar” të publikonte ftesën e organizatorëve, duke shtuar se “Liria ka emër”.

Tani thojnë “dy shqiptarë nuk kalojnë mirë si t’i bojsh bashkë”, bëjnë edhe që ç’ke me të.

***

Presidenti i Serbisë, Aleksandër Vuçiq pas ndeshjes mes Shqipërisë dhe Serbisë, nuk e ka fshehur admirimin a xhelozinë (s’di njeri çka i thotë) për lojtarët si Xhimshiti dhe Hysaj.

Madje i nderuari as nuk kishte fjetur, jo prej zemërimit, por prej trishtimit, sipas tij.

Po çysh mos me u trishtu çfarë lajme, e quajtën tragjedi rezultatin e lojës.

“Por ne nuk kemi lojtarë që luajnë aty rregullisht. Kemi vetëm Stankoviçin, djalin e Dejanit, se këtij të birit nuk ia di emrin. Kurse shqiptarët kanë lojtarë që luajnë te Lazio (Hysaj), kanë lojtarë që luajnë te Atalanta (Gjimshiti) dhe janë lojtarë që kanë peshë aty. Ne s’kemi për momentin”, tha ndër të tjera presidenti i Serbisë.

***

Partia Demokratike (PD), si opozitë, ka kërkuar që Kuvendi i Shqipërisë të krijoj një Komision Hetimor Parlamentar për të hetuar marrëdhëniet dhe veprimet e zyrtarëve shqiptarë me ish-agjentin e FBI-së, Charles McGonigal.

Në thelb, kjo është një kërkesë për hetim parlamentar që synon të zbuloj nëse ndonjë zyrtar shqiptar (në veçanti nga qeveria aktuale) ka vepruar në mënyrë të paligjshme ose të papërshtatshme në kontaktet me McGonigal, i cili është dënuar në SHBA për çështje që lidhen me korrupsion dhe lidhje të paligjshme me shtetas të huaj, përfshirë edhe Shqipërinë.

Komisioni, nëse miratohet, do të ketë: 11 anëtarë, ku 5 do jenë nga PD dhe 6 nga PS, si dhe do të ketë 6 muaj afat për ta bërë hetimin.