24 Tetor, 2024

Deputetët e Kuvendit nga opozita kanë diskutuar në një seancë plenare për skandalet e pretenduara për keqpërdorime në Korporatën Energjetike të Kosovës.

Seancat e Kuvendit të Kosovës i kanë kaluar në duar partive opozitare.

Është pikërisht opozita inicuese e seancës së sotme, ku po diskutohet për keqpërdorimet në KEK, e që po hetohen nga gjyqësori.

Kjo është seanca e katërt që injorohet nga deputetët e partisë në pushtet, Vetëvendosje.

Por, rendin e “prishi” Kryetari i Kuvendit, Glauk Konjuca, ku pas shumë kritikave iu thye mendja të marrë pjesë në seancën e sotme.

Shefi i grupit parlamentar i LDK-së, Arben Gashi, prezantoi projektrezolutën përmes së cilës bëri të ditur se kërkohet hetim ndaj Dejona Mihalit.

Sipas Gashit, hetimet për koordinatoren e Lëvizjes Vetëvendosje duhet të nisin sa më parë, për siç tha ai “ndikimet e jashtëligjshme në menaxhimin e KEK-ut dhe proceset e rekrutimit të punëtorëve në këtë korporatë”.

Ndërsa Hajdar Beqa i PDK-së, e nisi fjalën duke e përmendur gjithashtu kthimin e kryeparlamentarit në sallën e seancave.

“Është për keqardhje që në asnjë debat parlamentar të ftuar nga opozita nuk po vjen mazhoranca. Sot paska ardhë kryetari, e përgëzoj. Deputetja paraprake e pyeti a e ke pyet Dejonën. Ky tha nuk po më njihshe mirë. E unë po të pyeti, kryetar, a je ardhë me leje a pa leje? Dhe ishalla nuk ke najfarë ndëshkimi për këtë veprim. Megjithatë, të përgëzoj”, ka thënë deputeti Beqa.

Por i menjëhershëm ka qenë reagimi i kryeparlamentatit.

“Ruaju Hajdar se edhe ty të shkarkon Dejona”, ia ktheu Konjufca.