Të kesh pushtet nuk është aq e rëndësishme sa ajo që zgjedh të bësh me të!

Paper Radio
ON AIR
91.1 Prishtinë
91.1 Podujevë
91.1 Fushë Kosovë
91.1 Artanë
91.1 Kastriot
91.1 Graçanicë
91.1 Drenas
91.1 Lipjan
91.1 Tiranë/Dajt
101.8 Durrës
104.1 Fier
102.7 Vlorë
88.9 Himarë
88.6 Sarandë & Ksamil

Ngjarje drejtpërdrejt nga Prishtina

LIVE

4 Dhjetor, 2024

Shkruan: Erletë Rrustemi

 

Kumti i editorëve: Ky artikull është shënuar për t’iu treguar gjendjen tonë emocionale, shpirtërore, politike, financiare, kulturore dhe motoristike bazuar në ngjarjet e vërteta të ditës së djeshme dhe domethënien e tyre për ne! Artikujt janë ditorë dhe bëhen një me ty kur ndajmë përditshmërinë e njëjtë në Kosovën tonë. Paper ndanë me ty!

Nuk ke shumë kohë, dhe këtë nuk po ta them për të të frikësuar. Po ta them me qëllimin që ta rikujtoj: ta përdorësh kohën dhe t’i gëzohesh asaj. Shikoje kohën që ke para syve dhe refuzo ta lësh të të rrëshqasë tutje. Të lutem…

Cilat ngjarje e karakterizuan ditën e martë në Kosovë?

***

Dy vëllezërit serbë, Vicentijeviq nga Prevallka e Zubin Potokut, po akuzohen nga prokuroria se kryen sulmin terrorist në kanalin e Ibër Lepencit. Njërit prej tyre iu caktua masa e paraburgimit prej 30 ditësh.

Natyrisht, pretendimet nga prokuroria do të cilësohen nga ana serbe vetëm si gjetje dhe asgjë më shumë!

***

Kryeministri i Kosovës, Kurti, dhe ai i Serbisë janë takuar ndaras me shefen e re të diplomacisë së Bashkimit Evropian, Kaja Kallas. Kurti i ka kërkuar Kallasit që Serbia ta dorëzojë Radoiçiqin në Kosovë.

Ndërsa Kallas ka kërkuar nga Vuçiq zgjidhjen e rastit Banjska dhe vendosjen e sanksioneve ndaj Rusisë.

Fakti që Radoiçiq nuk u ekstradua asnjëherë nga Serbia, a nuk ishte indikator kyç që inkurajoi serbët për një sulm tjetër? Pastaj, banorët poshtë kanalit, të cilët ishin të vetë komunitetit serb, a nuk u përzgjodhën me qëllim që faji t’u mbetej shqiptarëve?

Shpresoj që këtij sulmi nuk do t’ia përkujtojmë përvjetorin pa ndëshkimin e fajtorëve! Mbështetja e Amerikës, kësaj radhe, duhet të shfrytëzohet në maksimum.

Gjithçka që ndodh në Kosovë dhe që shkaktar është Serbia, nuk do të thotë se tani nuk kemi përgjegjësi.

***

Investimi i qytetarëve, i dashur lexues, a nuk është për ndërtimin e një shteti që ofron siguri përmes forcave mbrojtëse, ushtrisë dhe policisë? Themelimi i ushtrisë ka përfunduar, kjo pjesë është kryer. E tani? Përforcimi, armatimi?

A nuk varet kjo nga institucionet, fuqizimi i tyre dhe nga kreu politik se si e realizon këtë?

A nuk fuqizohet ushtria për mbrojtje të jashtme dhe jo për luftë të brendshme (kundër njëri-tjetrit)?

Çfarë është ky sentiment i frikës i theksuar? Pse po mbillet frika? Për të zbutur zërat?

***

“Armata” pret kineastin hollywoodian!

Emri i shquar i kinematografisë hollywoodiane, regjisori, kineasti dhe producenti britanik Peter MacDonald, dje ka qenë në Prishtinë, ku ka zbërthyer një pjesë të retrospektivës së karrierës së tij. Veprimtaria e tij, prej më shumë se një gjysmëshekulli, u prezantua sipërfaqësisht në një ligjëratë si bashkëbisedë me publikun. Në figurën e tij projektohen filmat epikë të skenës së kinematografisë, ata me të cilët është rritur pjesa më e madhe e publikut në kinemanë “Armata”.

***

Të kesh pushtet nuk është aq e rëndësishme sa ajo që zgjedh të bësh me të! Unë nuk kam të drejtë gjatë gjithë kohës. Shpeshherë, jam i majtë në vend të të djathtës.