25 Shkurt, 2025

Bofill Taller de Arquitectura prezanton Red Sol Resort, veprën monumentale në Dhërmi!

Në zemër të bregdetit shqiptar, mbi shpatet e harlisura të Dhërmiut, është ngritur Red Sol Resort, (ende vetëm imazhet e gjeneruara të projektimit) një vepër arkitekturore e cila po cilësohet si më të guximshmet ndonjëherë në rivierën shqiptare punuar nga studio spanjolle Bofill taller de Arquitectura.

Nga përshkrimi në faqen designboom, projekti ishte frymëzuar nga dizajnet e Ricardo Bofill të viteve 1970 si La Muralla Roja dhe Walden 7.

Me një siluetë që portretizon një kala moderne me ngjyrën e saj intensive, projekti i resortit shquhet për praninë e saj dominuese në peizazhin e gjelbër dhe bregdetin e kaltër të Jonit.

Nga larg, format gjeometrike të ndërtesës duken sikur qendrojnë lartë mbi terrenin e thyer të Karaburunit, duke krijuar një kontrast të thellë me natyrën përreth.

Shkallët e jashtme të përthyera, tarracat panoramike dhe korridoret e hapura i japin kompleksit ndjesinë e labirintit, duke ofruar për vizitorët një përvojë të pasur eksplorimi dhe pamje mahnitëse nga çdo këndvështrim.

Forma që theu paraqitjen vizuale të shtëpive me kazane përmbi

Një paraqitje e përgjithshme e Dhërmiut, pa resortet luksoze, janë shtëpitë private me kazanet me ujë përmbi por me sa duket ajo që bënë diferenc nuk është vetëm arkitektura por edhe ngjyra.

Duke projektuar për një terren sfidues si ai i Rivierës Shqiptare, arkitektët e Bofill Taller de Arquitectura kanë përqafuar format natyrore të mjedisit. Me shpate të pjerrëta, shkëmbinj të ashpër dhe një pyll të dendur me pisha dhe selvi, zona kërkonte një qasje të kujdesshme për ndërtimin e një strukture që harmonizohet me peizazhin.

Zgjidhja arkitekturore e resortit erdhi përmes një organizimi rigoroz të hapësirave mbi një rrjet gjeometrik të saktë, ku një seri katrorësh përshtaten me konturet e terrenit. Kjo qasje ka mundësuar krijimin e pavijoneve të hotelit, apartamenteve dhe vilave në një konfigurim që respekton natyrën dhe njëkohësisht ofron hapësira të ndryshme për qëndrim dhe relaksim.

A do të vijë në jetë ky projekt propozim?

Projekti është prezantuar në rrjetet sociale të studios por ende nuk është asgjë publike në lidhje me jetësimin e këtij projekti.

Arkitektura që pasqyron ritmin e natyrës

Forma zigzag dhe ngjyra e kuqe e ndezur e fasadave i shton strukturës një prani të fuqishme, duke theksuar formën e saj monumentale, ndërkohë që krijon një dialog vizual me nuancat e pasura të gjelbërimit dhe detit.

Ky projekt nuk flet vetëm për një vendpushim, por një eksperiencë arkitekturore që sfidon konvencionet, duke u integruar natyrshëm në peizazhin dramatik të Dhërmiut dhe duke krijuar një pikë referimi të re për arkitekturën bashkëkohore në Shqipëri.

Nuk ka informata se kur do të bëhet resortit realitet, por ajo që dimë është që ky projekt ka marrë dhenë dhe është ndër më të diskutueshmit ditëve të fundit.