8 Mars, 2025

Pse njerëzit i japin lule njëri-tjetrit? Për të treguar njëfarë vlerësimi? Për të treguar pak simpati? Ju ndihmon të tregoni dashurinë tuaj? Për të lënë një përshtypje pozitive? Për të ngritur humorin e të dashurve tuaj

Për pytjen e parë përgjigja e duhur mund të jenë të të gjitha hamendësimet (e përjetuara) dhe të rënditura më lartë pas pyetjes.

Por pse dhurohen lulet për 8 mars me ose pa arsyet më lartë?

Historia e Ditës Ndërkombëtare të Gruas ka një origjinë domethënëse. Kjo ditë thuhet se përkujton zjarrin tragjik të fabrikës Triangle Shirtwaist në New York, i cili ndodhi në vitin 1911 duke vrarë 146 punëtorë të fabrikës së veshjeve – 123 gra e vajza të reja dhe 23 burra.

Shumica e viktimave ishin gra dhe vajza emigrante italiane dhe hebreje të moshës 14 deri në 23 vjeç. Kjo ditë përkujton gjithashtu dy ngjarje të tjera ndërkombëtare: një grevë nga gratë punonjëse të veshjeve më 8 mars 1857, në New York, që çoi në themelimin e sindikatës së parë të grave në SHBA dhe një grevë nga gratë ruse në të njëjtën ditë në 1917

Në Itali festa njihet si La Festa della Donna . Lulja Mimoza e cila lulëzon në këtë periudhë të vitit është kthyer në një simbol universal dhe u dhurohet grave në 8 Mars . Dhënia e luleve të mimozës në 8 Mars nuk konsiderohet një gjest romantik, por një gjest solidariteti.

Diçka e përballueshme, vendore që tregonte me përulësi respekt dhe dashuri.

Thuhet se Teresa Mattei , një nga gratë e para të Italisë në politikën italiane ishte përgjegjëse për bërjen e mimozës simbol të Ditës së Gruas në vitin 1946. Si nxënëse, Mattei u pezullua nga shkolla për kritikimin e ligjeve antisemite të miratuara nga Italia fashiste.

Në moshën 25-vjeçare ajo u bë anëtarja më e reja që u zgjodh në Asamblenë Kushtetuese dhe më pas u bë drejtoreshë kombëtare e  Unionit të grave italiane . Në vendet tjera u vendos për lulet vendore që ishin simbol i çdo vendi. Në Francë, lulja manushaqe u përdor për të përfaqësuar solidaritetin e grave, por Mattei vendosi për Mimozën për Italinë duke theksuar, “është një lule e përballueshme dhe mund të gjendet kudo këtu në fshat”.

Simbolizmi i lules së Mimozës

Mimoza duket si një lule delikate, por në fakt është shumë rezistente dhe mund të rritet kudo edhe në mjediset më të vështira. Ngjyra e saj e verdhë e ndezur dhe aroma e luleve mund të ndryshojnë disponimin tuaj . Përdoret në mjekësinë tradicionale bimore për vetitë e tij qetësuese dhe të qëndrueshme .