20 Mars, 2025

Shkruan: Erletë Rrustemi

 

Kumti i editorëve: Ky artikull është shënuar për t’iu treguar gjendjen tonë emocionale, shpirtërore, politike, financiare, kulturore dhe motoristike bazuar në ngjarjet e vërteta të ditës së djeshme dhe domethënien e tyre për ne! Artikujt janë ditorë dhe bëhen një me ty kur ndajmë përditshmërinë e njëjtë në Kosovën tonë. Paper ndanë me ty!

Mirëmengjesi i dashur lexues doja ta thoja sot këtë: jeta është seri e vendimeve. Çdo ditë, ne bëjmë një zgjedhje, çka të themi? Çka të bëjmë sot? Cilën intuitë ta ndjekim? Disa zgjedhje/vendime ndihen të vogla, si përshembull: çka të veshim? Çka të hamë? Përderisa disa vendime tjera ndryshojnë gjithçka: ku të jetojmë? Kujt t’i besojmë? A të rrezikojmë apo të qëndrojmë këtu ku jemi. E çka është ajo që nuk ndryshon kurrë: asnjëherë nuk e dimë se cili vendim, çka sjellë! This is life <3

Çka ndodhi dje në Kosovë?

Ministria e Punëve të Jashtme e ka dënuar deklaratën e Serbisë lidhur me memorandumin mes Kosovës, Shqipërisë dhe Kroacisë për aleancë ushtarake.

Kosova, Shqipëria e Kroacia para dy ditëve kan nënshkruar këtë bashkëpunim.

MPJD-ja ka thënë se deklarata e Serbisë – e cila e quajti “provokim” marrëveshjen dhe se do t’u dërgojë kërkesë urgjente ministrave të jashtëm të Kroacisë e Shqipërisë për t’u kërkuar shpjegim të detajuar lidhur me këtë – nuk është vetëm agresive dhe kërcënuese, por përbën edhe shkelje të hapur të Marrëveshjes së Brukselit.

Marrëveshja e Brukselit e njohur edhe si plani franko-gjerman, ka parasysh normalizimin e raporteve Kosovë-Serbi.

Qysh bre me kërku shpjegim? Po kush jeni ju a pse a?

Ka ecë ajo kohë kur dikush e ka vetë dikon. Ani mo Kroacia, që i ka 35 vite si shtet i pavarur.

Memorandumi ka për qëllim promovimin e bashkëpunimit në ngritjen e kapaciteteve të mbrojtjes dhe industrisë së mbrojtjes, rritjen e ndërveprueshmërisë përmes edukimit, trajnimit dhe ushtrimeve, kundërveprimin ndaj kërcënimeve hibride dhe forcimin e qëndrueshmërisë strategjike, ofrimin e mbështetjes së plotë për integrimin euroatlantik dhe atë të mbrojtjes rajonale.

Sa po mendoni që ju vjen rryma kur të shtrenjtohet? A është mirë institucionet që kanë kompetenca, organizata që shquhen për punë të energjisë, me komentu ose me kundërshtu propozimin e Zyrës së Rregullatorit të Energjisë për shtrenjtimin e tretë me radhë të energjisë elektrike – përkatësisht në 130% për brenda katër vitesh?

Qeveria, partitë, presidenca?

U knaqëm pas zgjedhjeve, çfarë qeverie kemi kriju, çfarë ministrash, çfarë kabineti, qysh kanë hy senet në rend?

Do me i ardhë radha ndërrimit të presidentit e na mos me pasë as legjislaturë me kë me e ndërru!!!

Paneli Zgjedhor për Ankesa dhe Parashtresa ka rrëzuar të gjitha ankesat e partive që kontestonin rezultatin zgjedhor ose që kërkonin ndërhyrje në proces zgjedhor, ka njoftuar Eugen Cakolli nga Demokracia në Veprim.

“Më së largu në mesin e javës së ardhshme”, parashikon Cakolli, mund të ndodhë certifikimi rezultatit final; duke llogaritur edhe kohën për ankesa në Gjykatën Supreme.