13 Mars, 2025

Nëse më pyet direkt: a ndikon pamja e kopertinës së një libri në blerjen e saj? Përgjigjja është PO. Shpesh blej libra vetëm sepse dizajni i kopertinës është shumë i bukur dhe shpesh nuk i blej sepse dizajni i kopertinës nuk më bënë për vete.

E kam fjalën për librat e autorëve të cilët janë të ri dhe nuk kam dëgjuar më parë, sepse librat e autorëve si Kafka, Jane Austin, Silvia Plath, Gorge Orwell, Rolad Dahl historitë e tyre janë të mirënjohura dhe kopertinat e tyre kanë ndryshuar kohë pas kohe që nga botimi i parë.

Çfarë dua të theksoj është roli i ilustrimit të historisë së një libri në një faqe.

Sipas “maxobiz”, librat nuk janë vetëm rreth lapsave dhe ngjyrave apo tek shkronjat e shkruara, ka të bëjë me komunikimin e një gjuhe vizuale me audiencën e synuar të librit. Për shembull, një roman me një temë romantike dhe një kopertinë me ngjyrë rozë do të tërheqë njerëz të ndryshëm në krahasim me një roman me një temë thriller dhe një kopertinë me zymtësi.

Me fjalë të tjera, ngjyrat, fontet dhe imazhet tërheqin ose zmbrapsin audiencën/lexuesin. Rendi dhe qartësia e kopertinës përcaktojnë pamjen profesionale të një libri prandaj, çrregullimi krijon dyshime në mendjen e blerësit potencial në lidhje me cilësinë e përmbajtjes. Nga ana tjetër, kur kopertina është e dizajnuar siç duhet, faqosja është e pastër dhe ato duken profesionale, njerëzit do të zhvillojnë besim dhe interes dhe do të duhet ta zotërojnë librin.

Me këto fjali që nisa tekstin doja të dilja tek puna e Na Kim, ku për herë të parë, për të lexova nga The New York Times.

Pa e ditur kush, tek, çka, unë njihja vetëm disa libra kopertinat e të cilave i kishte dizajnuar Kim, si “Pure Colour” dhe “Crying in H Mart”

Për artikullin “Ajo dizajnon kopertina të librave, ti gjykon”, Kim ishte shprehur se kur ajo dizajnon një libër, e vë vetën në vendin e shkrimtarit (me ndjenjat dhe arsyet që shkroi librin) dhe në vendin e lexuesit. Kim tha se zakonisht i lexon librat disa herë dhe përpiqet të ndjekë intuitën e saj rreth skenave dhe metaforave që ngjallin thelbin e bukurisë, ekuilibrit dhe imazhin e mrekullueshëm.

“Unë shpesh i kam këto ndjenja për librat, e dua atë kopertinë dhe pastaj e kthej atë dhe është kopertina e Na-s”.

Ndërsa në intervistën e saj për printmag, tregoi se si lindi dashuria për librin me këtë përgjigje:

“Gjithmonë më pëlqente të lexoja. Mendoj se kam një lidhje vërtet specifik me librin, vetëm sepse kur u transferova për herë të parë në Shtetet e Bashkuara, më duhej të ndiqja kurse angleze jashtë orëve tona të rregullta ESL dhe një nga detyrat ishte që çdo javë do të duhej të lexonim një nga ato lloj klasike të shkurtuara për fëmijë. Kështu që gjithmonë më ka pëlqyer shumë leximi.”

Nga frymëzohet Kim për dizajnet e saj?

“Ndihem sikur përgjithësisht prirem të marr frymëzim më shumë nga një lloj gjëje e përditshme. Kur po punoja në kopertinën e Austen Years , më kujtohet vetëm që pashë një pulovër të mbështjellë mbi një karrige. E bëra një foto të saj, dhe kishte vetëm diçka në lidhje me të që kishte një ndjenjë të pranisë së diçkaje që ishte aty ndërkohë që nuk ishte aty. Pra, është vërtet kaq klishe.”

 

Që nga viti 2021, Na është edhe drejtoresha artistike e gazetës prestigjioze The Paris Review. Aty njihet për përzgjedhjen e veprave artistike për gazetën e shkruar.

Kim është e njohur edhe për pikturat e saj. Para dy viteve ajo vendosi që çdo ditë të përfundonte një pëlhurë, të cilat u shfaqën në muajin shkurt në ekspozitë “Memory Palace”, në galerinë Nicola Vassell, Manhattan.

Disa shembuj të kopertinave më poshtë.