LIVE
Arkiva
22 Korrik, 2024
Në fund të fundit, takimet e para shpesh janë me një ton nervash. Mendjet tona mund të dalin jashtë kontrollit me nënpyetjet: A do të më pëlqejnë? Çfarë duhet të vesh? Po sikur të bëj një budallallëk? Të gjithë e kemi përjetuar njëherë (ndoshta edhe jo). Për të ju lehtësuar pak nga paniku përpara se të ndodhë, është një ide e mirë të përgatiteni. Andaj le t’i ledhim një sy asaj se çfarë të flasim në një takim të parë.
Mënyra se si vishemi është një dritare për të treguar karakterin tonë dhe kjo është veçanërisht e vërtetë kur bëhet fjalë për aksesorët. Ndodh rrallë, por kur veshjen tënde e stilon me një aksesorë që ka një histori të fshehtë mbrapa, ajo padyshim do të bëhet “hajmalia” e hapjes së shumë temave personale që çon në gërmime të reja (sigurisht nëse dini ta shfrytëzoni). Ndoshta varsja apo byzylyku i tyre është blerë në një udhëtim të mahnitshëm jashtë vendit (ku mund të flisni për udhëtime!) ose është dhuratë nga një person i dashur (tani mund të flisni për familjen dhe miqtë!). Vetëm mbani në mend se qasja e butë është gjithmonë e dobishme në hapjen e temave të ndjeshme si të këtij lloji; nëse aksesori është një pjesë e rëndësishme fetare ose kulturore për ta, atëherë ju mund të vazhdoni me pyetjet tjera kureshtare: “A mund të pyes për këtë?” është gjithmonë një pyetje ideale për të vazhduar më tej.
Bërja e pyetjeve të hapura është një metodë që përdoret nga psikoterapistët dhe njësoj nga gazetarët, sepse ato nuk mund t’i përfundoni me përgjigje si një “po”ose “jo” e thjeshtë. Disa shembuj klasik janë: Si të duket kjo? Si ishte për ju? Si ju bëri të ndiheni? Këto lloj kërkesash të lirshme shpesh lejojnë përgjigje më interesante, të sinqerta ose të detyruara për të dhënë më shumë rrëfim (përgjigje të gjatë).
Nuk është sekret që shumë takime të para zhvillohen në një lokal. Përfitoni nga mjedisi dhe diskutoni kulturat e pijes. Çdo qytet dhe vend ka ritualet e veta, mënyrat për të bërë dolli dhe llojet e alkoolit. T’i dish disa për të ndarë në takimin e parë është një truk i lehtë për të ngjallur interes tek pala tjetër. Një fakt që e kam dëgjuar së fundmi dhe ju mund ta përdorni në takimin tuaj: në disa kultura kineze, është e sjellshme të cakërrosh fillimin e gotës tënde me fundin e tjetrit dhe anasjelltas, fundin e gotës tënde me fillimin e gotës tjetër, tregon respekt dhe shfaq autoritet.
Diskutimi i kulturave të pijes si temë mund të jetë një debat argëtues për të folur për eksperiencat në kohën që e keni kaluar jashtë vendit, si dhe ndikimin kulturor në përgjithësi.
“Tema ime e preferuar në një takim të parë është ajo për të cilën ata dinë shumë dhe për të cilën interesohem personalisht. Të gjithëve u pëlqen të flasin për veten ose për hobit e tyre, e edhe nëse nuk ndjej shkëndija, takimi nuk është kurrë humbje kohe sepse edhe atëherë unë mësoj diçka. Ekziston një thënje “të vrasësh dy zogjë me një gur”: ju telegrafoni kuriozitetin autentik për takimin tuaj, ndërkohë që fitoni ekspertizë falas.
Së pari, është e rëndësishme ta mbani takimin tuaj pozitiv. “Mos u thelloni tek ish-et/at, traumat familjare apo politikën. Shmangni bisedat negative për veten ose të tjerët. Duke ju përmbajtur kësaj ju nuk do të krijoni përvojë emocionale që në takim të parë. Një takim i parë është për të kërkuar shkëndijën mes jush, jo për të shprehur ankesat. Çdo diskutim i hapur mbi traumat apo ankesat tuaja rreth jetës mund ta shndërrojë takimin në seancë të terapisë.