Kur ndërton në heshtje, rruga jote mbetet e paqartë për të tjerët. Ata nuk dinë ku të shohin, e aq më pak ku të godasin. Si një lumë që gërryen shkëmbin pa zhurmë, forca jote rritet në qetësi, larg syve që kërkojnë të të ndalin. Dhe kur vjen koha të dalësh në dritë, është veç puna jote ajo që flet.

Cka ndodhi dje n’Kosove?

Do të na zërë marsi me pasigurinë se a do t’i kemi rezultatet zgjedhore të certifikuara. E nuk i kemi punët për të mos pasur Kuvend të konstituuar dhe një qeveri, cilado të jetë ajo që do të formohet varësisht nga numrat përfundimtarë. Ende pa i ditur shifrat flitet për opsionet nga më të ndryshmet që e përfshijnë edhe atë të zgjedhjeve të reja në afat të shkurtër.

Numërimi i votave për kandidatët për deputetë është duke vazhduar në 28 komuna të tjera,

Në Leposaviq, Zveçan, Zubin Potok dhe Mamushë ende nuk ka filluar numërimi.

Në qendra komunale të numërimit do të bëhet edhe verifikimi i votave për subjektet politike.

Kurse nga KQZ-ja është paralajmëruar se numërimi i votave nuk do të përfundojë së paku edhe 10 ditë.

***

Kryetari i Organizatës së Veteranëve të Luftës së Ushtrisë Çlirimtare të Kosovës (OVL-UÇK), Hysni Gucati, ka sqaruar vendimin për të mos bashkëpunuar me Qeverinë Kurti në organizimin e aktiviteteve për 17-vjetorin e pavarësisë dhe 27-vjetorin e Epopesë së UÇK-së.

Dita kur kremtohet krijimi i institucioneve tona, nuk është e udhës të refuzohet nga ata që mundësuan pavarësinë, pavarësisht ankesave dhe kërkesave legjitime nga kjo organizatë.

Në “Debat Plus”, Gucati tha se ky vendim nuk është një bojkot ndaj vetë manifestimeve, por një refuzim i bashkëpunimit me ekzekutivin aktual.

Ai ka pasur kritika ndaj Qeverisë për mungesë të përkushtimit ndaj veteranëve dhe familjeve të dëshmorëve, duke theksuar se gjatë katër viteve të qeverisjes së Kurtit nuk është zhvilluar asnjë takim me OVL-UÇK-në, përveç një takimi me Faton Klinakun.

***

“Arkeologjia e shpirtit” është titulli për ekspozitën, e cila nëpërmjet 20 pikturave me tis abstraksioni rrëmon në kujtesën kolektive dhe shpirtërore të një populli. Përmes ngjyrave të balancuara dhe lëvizjeve të fuqishme të brushës, këto vepra pasqyrojnë dhimbjen e së kaluarës e pasigurinë e së tashmes. Njëkohësisht ngërthejnë brenda tyre një shpresë të pashuar për rilindje dhe vazhdimësi.

Nëpërmjet këtij cikli që shpaloset në ekspozitën e Anton Krasniqit, e hapur të enjten mbrëma në “Hanin e 2 Robertëve” ka gjuhë vizuale ku ndërlidhen elemente të kaosit urban dhe të kujtesës kolektive.

***

Manifesto në qetësi, ashtu si lisat që rriten pa bërë zë. Forca e vërtetë nuk ka nevojë për zhurmë; ajo merr formë në heshtje, duke u rrënjosur thellë dhe duke u ngritur lart pa u vënë re. Kur të vijë koha, madhështia jote do të flasë vetë, ashtu si një pyll që mbulon tokën pa bërë asnjë tingull.