14 Dhjetor, 2024

Shkruan: Erletë Rrustemi

Kumti i editorëve: Ky artikull është shënuar për t’iu treguar gjendjen tonë emocionale, shpirtërore, politike, financiare, kulturore dhe motoristike bazuar në ngjarjet e vërteta të ditës së djeshme dhe domethënien e tyre për ne! Artikujt janë ditorë dhe bëhen një me ty kur ndajmë përditshmërinë e njëjtë në Kosovën tonë. Paper ndanë me ty!

Një kohë e përshtatshme për të reflektuar mbi udhëtimin tënd dhe njëkohësisht për të festuar rritjen tënde. Mëso kuptimin e vërtetë pas kësaj dhe ec përpara me mësimet e marra.

Ja çfarë e karakterizoi të premten në Kosovë: listat e kandidatëve mbetën ende tema kryesore, ndërkohë që ka zhvillime të tjera që duhet të marrin vëmendje.

***

Certifikimi i partive dhe kandidatëve ende nuk ka përfunduar, dhe deri në janar nuk do t’i dimë numrat e partive… Por, për të mos na lënë të mërzitemi, kandidatët tashmë kanë nisur t’i postojnë fotot e tyre në rrjetet sociale.

***

Kryeministri Kurti e ka cilësuar Serbinë si shtet paramilitar dhe përgjegjës për sulmet e viteve të fundit në Kosovë. Duke qenë në Zagreb, ku u prit nga homologu i tij, ai tha se llogaritë edhe në aleatët, si Kroacia, për ta mbrojtur kufirin.

Teksa tha: “Duket që Beogradi nuk ka mësuar asgjë nga e kaluara e vet”.

Ndërkohë, presidenti Zoran Milanoviç tha se të gjitha shtetet evropiane duhet ta pranojnë Kosovën, pasi ajo ka plotësuar të gjitha kushtet për njohje të plotë ndërkombëtare.

***

Në aktakuzën e re të ngritur ndaj ish-presidentit Thaçi, emrat e dëshmitarëve që prokuroria po pretendon se ai ka tentuar t’i udhëzojë se si të dëshmojnë, përmenden me shifra. “1-shi” dhe “2-shi” që përmenden aty janë Rrustem Mustafa dhe Beslim Zyrapi.

***

Në Gjykatën Kushtetuese, PDK ka dërguar 16 projektligje të miratuara më 5 dhjetor nga deputetët e shumicës. Rekord dorëzimesh nga kjo parti…

***

“Mos ua prishni lumturinë… asnjë mos ta provojë, se nëna s’ju lejon.”
Ikona që këndon këto rreshta, Parashqevi Simaku, po qarkullon në disa video në rrjete sociale në Amerikë duke u intervistuar. Gjendja e saj po komentohet nga shumë njerëz.

Simaku ka shkuar në Amerikë që në vitin 1993 dhe sot nuk kemi ide çfarë bën ajo.

***

Jonathan Scales është një pianist dhe kompozitor amerikan i muzikës, ambasador kulturor i SHBA-ve. I njohur në formatin e famshëm “Tiny Desk” në radion NPR, ai ka qenë edhe në Prishtinë. Si mysafir në restorantin “Culaccino”, që po tregohet të jetë një lokacion i pazakontë për evente alternative, nga talk-show me Shukin deri te performanca të xhazit.

***

I dashur lexues, a nuk e keni ëndërruar edhe ju që fëmijët tuaj të vegjël të jetojnë një ditë në një komb ku nuk do të gjykohen nga aspektet kulturore, por nga përmbajtja e karakterit të tyre?