Kur kam qenë e vogël, gjyshja më thoshte: “Ty të pëlqen dikush sepse… dhe e do dikë pavarësisht…!” A po e kupton, lexues? Ti e pëlqen dikë për vetitë e tij dhe e do dikë pavarësisht tyre. Është diçka që rrjedh natyrshëm tek njeriu. Lexo edhe njëherë.

Në Kosovë, çdo javë dikush tjetër merr vëmendje, sikur e bëjnë me radhë – cili e ka radhën këtë herë?!

Këtë javë, vëmendjen e mori dhe do ta ketë deri në krijimin e një qeverie të re, LDK-ja.

Protagonistët janë të njëjtë – njerëz që vështirë adaptohen me ndryshimet! Mbrëmë, në Debat Plus, Doarsa Kica-Xhelili, nënkryetare e LDK-së, e cila periudhën kur aderoi në këtë parti nga Lista Guxo e quajti “muajin e mjaltit”, u ndje e surprizuar nga deklaratat e Agim Veliut. Ky i fundit e quajti renditjen e saj si kandidate në listën e LDK-së, në vendin e tretë, të paarsyeshme.

Ajo tha: “Më vjen keq që një person që e kam pasur në grup parlamentar nuk m’i ka thënë asnjëherë personalisht këto mendime.”

Sipas saj, Lumir Abdixhiku e ka kërkuar mbledhjen e famshme pesë-orëshe pasi ka vërejtur pakënaqësi për pozitën e tij si kryetar. Në këtë mbledhje, ai nuk ka hasur në kundërshtime nga kryesia, pavarësisht arsyes së thirrjes së saj.

“Tha unë, duke pasur parasysh që kërkohet votë në kryesi për të më konfirmuar mua, po ju liroj nga kjo domosdoshmëri. Abdixhiku insistoi se s’ka lidhje, po e thërras këshillin dhe e tejkalojmë nevojën për votë në kryesi.”

***

Gjykata Themelore në Prishtinë ka miratuar kërkesën e Prokurorisë Speciale për caktimin e masës së sigurisë prej 30 ditësh paraburgim për kryeshefin e ndërmarrjes publike “KRU Gjakova”, Hasan Krasniqi.

Ky i fundit u arrestua dje nga Policia e Kosovës, nën dyshimet për keqpërdorim të detyrës zyrtare dhe falsifikim të dokumentit zyrtar.

Gjykata Themelore në Prishtinë ka konfirmuar për Gazetën Express masën e paraburgimit për Hasan Krasniqin.

***

Kosova ka mposhtur kombëtaren e Islandës me rezultat 2-1 në stadiumin “Fadil Vokrri” në Prishtinë. Dellova dhe Regjbecaj shënuan për fitoren e Kosovës. Ndeshja tjetër do të zhvillohet përsëri kundër Islandës, të dielën, në Spanjë.

***

Çdo javë sjellë histori të reja dhe ngjarje që na mbajnë të lidhur me realitetin politik, shoqëror e sportiv. E rëndësishme është të mbetemi të angazhuar, të informuar dhe optimistë për të ardhmen.