23 Nëntor, 2024

Shkruan: Erletë Rrustemi

Kumti i editorëve: Ky artikull është shënuar për t’iu treguar gjendjen tonë emocionale, shpirtërore, politike, financiare, kulturore dhe motoristike bazuar në ngjarjet e vërteta të ditës së djeshme dhe domethënien e tyre për ne! Artikujt janë ditorë dhe bëhen një me ty kur ndajmë përditshmërinë e njëjtë në Kosovën tonë. Paper ndanë me ty!

Mirëmëngjesi lexues!
Në një botë që shpesh duket kaotike, është mirë t’i rikujtojmë vetes se çdo ditë sjell një mundësi të re për t’i parë gjërat me një këndvështrim të freskët. Nganjëherë, lajmet e ditës më parë na ndihmojnë të kuptojmë më mirë ku po shkojmë dhe si mund të përmirësojmë të ardhmen.

Çka ndodhi dje n’Kosovën tënde e time?

Përditshmëri*
Kryeministri Albin Kurti ka paralajmëruar për një rrezik të mundshëm të konfliktit nga Serbia, duke thënë se Beogradi nuk ka hequr dorë nga projekti i “Botës Serbe.” Në një diskutim të organizuar nga Shoqëria zvicerane për Politikë të Jashtme, ai theksoi se politika perëndimore është naive ndaj qasjeve të Serbisë.

“Vuçiqi thjesht po e mashtron Perëndimin. Ne duhet të jemi të përgatitur për hakmarrjen strategjike që ai dhe elita e tij e kanë në mendje,” tha Kurti, duke shtuar se Kosova është e sigurt në partneritetet e saja me SHBA-në, pavarësisht zhvillimeve të brendshme në atë vend.

Risi*
Richard Grenell, ish-emisari i SHBA-së për dialogun Kosovë-Serbi, mund të emërohet si i dërguari special për luftën në Ukrainë nga Donald Trump, në rast të një fitoreje të tij në zgjedhjet presidenciale. Ky lajm po komentohet si një sinjal i rikthimit të një qasjeje më të ashpër ndaj konfliktit në rajon.

Buxhet*
Me shumicë të thjeshtë, qeveria miratoi buxhetin prej 3.6 miliardë euro për vitin 2025. Ky vendim u shoqërua me kritika të opozitës, e cila e cilësoi atë si një “buxhet pa vizion,” ndërsa mazhoranca premtoi përmirësime në shërbimet publike dhe projekte infrastrukturore.

Kulturë*
PriBeats osht degëz e muzikës elektronike nga PriFilmFesti, ndërsa me dje me 22 nëntor ka sjellur në maje të kodrës së Sofalisë edhe një event së bashku me restaurantin/qendrën e kulturës alternative e.d.h.e. – me artistë nga Berlini, Torino dhe Prishtina, përfshirë Lekë Berisha, Lorenzo Brich dhe Annina Musik. Shihemi te veni.

***
Çdo ditë është një histori e re.
Dje mund të ketë qenë e zymtë, por sot mund të jetë plot me mundësi të papritura. Përballu me sfidat, ndize shpresën dhe mos harro: të ardhmen e shkruan ti, nga një ditë e nga një hap

***