25 Gusht, 2025

Shkruan: Erletë Rrustemi

 

Kumti i editorëve: Ky artikull është shënuar për t’iu treguar gjendjen tonë emocionale, shpirtërore, politike, financiare, kulturore dhe motoristike bazuar në ngjarjet e vërteta të ditëve të shkuara dhe domethënien e tyre për ne! Artikulli është përmbledhje javore me lajme që kryesuan javë  dhe bëhen një me ty kur ndajmë lajmet e njëjta në Kosovën tonë. Paper ndanë me ty!

I dashur lexues, doja të pyesja për diçka, ndoshta kjo edhe të kujton pastaj dikë të mirë ose veprat e vetes tënde. A ke dëgjuar për efektin e Michelangelos?

Efekti i Michelangelos tregon se në marrëdhënie partnerët kanë fuqinë ta “gdhendin” njëri-tjetrin jo duke ndryshuar se kush janë, por duke i ndihmuar të afrohen sa më shumë me versionin e tyre më të mirë, më ideal, atë që ndjejnë thellë se janë. Kur personi tjetër beson tek aftësia e tjetrit.

Çka ndodhi dje në Kosovë?

Paneli Zgjedhor për Ankesa dhe Parashtresa ka kërkuar nga Komisioni Qendror i Zgjedhjeve që ta certifikojë Listën Serbe për pjesëmarrje në zgjedhjet lokale të 12 tetorit. Sipas arsyetimit të PZAP-së, vendimi i KQZ-së nuk ka qenë i bazuar në mënyrë të duhur në ligj dhe nuk është dëshmuar bindshëm që kandidatët në fjalë janë në kundërshtim me nenin 29 të Ligjit për Zgjedhjet e Përgjithshme, i cili përcakton kriteret për të drejtën për t’u zgjedhur.

Lista Serbe vendosi të garonte në zgjedhjet lokale të këtij viti, pasi kishte bojkotuar zgjedhjet e kaluara lokale, duke bërë që kryetarët shqiptarë ta merrnin dhe mbanin pushtetin në katër komunat me shumicë serbe në veri të vendit nga maji i vitit 2023.

***

Qëndrimi i subjekteve që mandatin e kaluar ishin në opozitë u kritikua, jo vetëm nga LVV-ja, por edhe nga përfaqësues të shoqërisë civile, sidomos ndaj PDK-së për mosvotimin e kandidatit Basha që nuk ka qenë pjesë e ekzekutivit. Hekuran Murati ka thënë se këto janë makinacione e jo për parime.

Sa herë që LVV ofron kompromis, partitë opozitare sipas tij sjellin një kusht të ri. Ehat Miftaraj nga Instituti i Kosovës për Drejtësi i vlerësoi të kota arsyetimet e PDK-së për mosvotimin e Bashës.

Një send duhet me pasë në mendje: kushdo që zgjedhet kryekuvendar, propabiliteti për me qenë edhe president është shumë i madh. A kemi vullnet politik për me u zgjedh një president nga propozimet e këtyre partive që kemi, e ku bohen bashkë 81 vota a? Së pari a kemi vota për krijimin e qeverisë?

Pastaj nëse ky 10 minutëshi është kërku nga PDK-ja, a nuk ka pasur mundësi me u ofrua a? Kur kemi pritur 6 muaj, a nuk boni me prit edhe 10 minuta a? Natyrisht nëse qëllimi ka qenë zgjedhja me të vërtetë e kryetarit të Kuvendit.

***

“Peppa Maritti Band” është grupi që ruan rrënjët e tij duke kombinuar këngën tradicionale arbëreshe me ritmet e rock-ut. Koncerti i së dielës në Prishtinë ka qenë një lloj ilustrimi i këtij lloj aktivizmi me art, në kuadër të programit të edicionit të 43-të të Seminarit Ndërkombëtar për Gjuhën, Letërsinë dhe Kulturën Shqiptare.

Koncerti në “Mensën Ramiz Sadiku” në Prishtinë, siç është bërë një lloj rituali që hapjet të jenë të lehta edhe ky i grupit arbëresh ka qenë i tillë. Kësisoj ka qenë kënga “Ka vreshta” si uverturë e koncertit gati dyorësh. “Ohj Manu Chao!” ka qenë kënga me të cilën ka nisur seria e shpërthimeve muzikore e vokaliste. Me vargjet e këngës “Me gustas tu” të artistit Manu Chao ka jehuar edhe ajo shqipe.

***

Nga marrëdhëniet që na formësojnë, te përplasjet politike që përcaktojnë drejtimin e vendit, e deri te muzika që na kujton kush jemi çdo ditë, sjellë një dëshmi të re se si rrethana të ndryshme mund të na gdhendin, duke na shtyrë drejt një versioni më të mirë të vetes dhe të shoqërisë.