17 Shkurt, 2025

Shkruan: Erletë Rrustemi

 

Kumti i editorëve: Ky artikull është shënuar për t’iu treguar gjendjen tonë emocionale, shpirtërore, politike, financiare, kulturore dhe motoristike bazuar në ngjarjet e vërteta të ditës së djeshme dhe domethënien e tyre për ne! Artikujt janë ditorë dhe bëhen një me ty kur ndajmë përditshmërinë e njëjtë në Kosovën tonë. Paper ndanë me ty!

Sot Kosova feston! Sot Kosova kujton dhe feston për ata që dhanë gjithçka dhe gjithkë, për ditët e lira që ne po i jetojmë, sepse mu kështu deshën prej Ademit e Hamzës së Jasharëve, Xhevës dhe Fehmi Lladrovcit, Luanit e Shkëlzen Haradinajt e shumë… e shumë të tjerë.

***

Meqenëse dita e sotme është festë, dita e djeshme shkoi me përgatitje finale të shndërrimit vizual të NEWBORN-it, numërimin e votave kah fundit, urime nga aleatët për përvjetorin e pavarësisë e kështu me radhë.

Këto, ndër të tjera, ishin disa nga mesazhet e liderëve të Shteteve të Bashkuara, Francës dhe Gjermanisë në letrat e urimit me rastin e 17-vjetorit të Pavarësisë së Kosovës.

Presidenti i Shteteve të Bashkuara, Donald Trump, rikonfirmoi mbështetjen e ShBA-së për përkushtimin e Kosovës ndaj demokracisë.

“Shtetet e Bashkuara mbështesin plotësisht Kosovën dhe përkushtimin e saj për ndërtimin e një shoqërie demokratike ku të gjithë qytetarët e saj mund të jetojnë dhe të lulëzojnë së bashku. Lidhjet midis njerëzve tanë janë të forta dhe ne presim me padurim t’i zgjerojmë ato lidhje, duke përfshirë rritjen e mundësive për investime, për të sjellë prosperitet më të madh për të dy kombet tona.” – thuhet në urim.

Edhe presidenti i Gjermanisë, Frank-Walter Steinmeier, ka uruar Kosovën për pavarësi dhe ka thënë:

“Ne dëshirojmë që Kosova të bëhet anëtare e BE-së!”

Ani, ndihmoni na, pse nuk na erdhi një veprim i tillë dhuratë për ditëlindjen tonë, pra meqenëse që vetëm po dëshironi?

***

“Shpresoj që kryeministri ynë nuk po më dëgjon sonte, është kryeministri më hajvan në histori të njerëzimit.”

Gazetari Andin Lokaj, në komentimin e tij të lojës së futbollit Juventus – Inter, pas fyerjeve të vazhdueshme që i bënte ndaj kryeministrit të Republikës së Kosovës, Albin Kurtit, është larguar nga komentimi i ndeshjes.

Pse duhet të përsëriten këso situata, bre? Roli i dy protagonistëve ndryshon. Kurti ka qenë në garë zgjedhjesh, pa e normalizuar fjalimin e tij prap është e pritshme në zgjedhje.

Pse duhet ta përsëritësh ti si komentaor një lëvizje të till?

***

Ekspozita, Reporting House, sot për nder të festës së pavarësisë së Kosovës, do të jetë e hapur nga ora 10:00-18:00, duke ofruar hyrjen falas.

Ekspozita gjendet në katin e parë të ish-objektit të shtëpisë së mallrave “Gërmia”, në Sheshin “Skënderbeu”, në Prishtinë.

Shtëpia e raportimit prezanton vepra të gazetarëve dhe artistëve të prejardhjeve dhe rajoneve të ndryshme dhe do të shfaqë 150 histori televizive nga Kosova ndërmjet viteve 1992 dhe 1999.

***

Një gjë në mendje, lexues: Historia që harrohet përsëritet. Breza të tërë kanë dhënë shumë për Kosovën, që ky popull të gëzojë të drejtën bazike të jetesës: frymëmarrjen, lirinë, paqen. Për mos mbetur me kaq, për të pasur gjithmonë çka t’i ofrojmë gjeneratave të reja, ndani historinë tuaj dhe kontribuoni që bota ta njohë historinë tuaj – tonën.