23 Korrik, 2025

Shkruan: Erletë Rrustemi

 

Kumti i editorëve: Ky artikull është shënuar për t’iu treguar gjendjen tonë emocionale, shpirtërore, politike, financiare, kulturore dhe motoristike bazuar në ngjarjet e vërteta të ditëve të shkuara dhe domethënien e tyre për ne! Artikulli është përmbledhje javore me lajme që kryesuan javë  dhe bëhen një me ty kur ndajmë lajmet e njëjta në Kosovën tonë. Paper ndanë me ty!

Kur dikush është po aq i emocionuar sa ti, kur e dëgjon të qeshurën e dikujt pasi ka qajtur, kur e përqafon dikë pas një kohe të gjatë që nuk i ke parë, kur e vëren mbështetjen e një personi të afërt, kur e dëgjon erën e ushqimit pas një dite që nuk ke ngrënë asgjë. Ky është termi i “momenteve të bukura”!

Si dje, 15 vjet më parë Gjykata Ndërkombëtare e Drejtësisë, tha se Pavarësia e Kosovës është legjitime dhe erdhi si akt përballë padrejtësive të mëdha dhe të vazhdueshme që kishin ndodhur ndaj popullit të Kosovës.

Madje gjyqtari brazilian, Antonio Augusto Cancado Triandade pati thënë:

“Ajo që ka ndodhur në Kosovë është se populli i viktimizuar ka kërkuar pavarësi, si reagim ndaj territorit, shtypjes sistematike dhe afatgjatë, të kryer në shkelje të hapur të parimit themelor të barazisë dhe mosdiskriminimit”.

Ky akt ka qenë më i rëndësishëm se çdo ngjarje tjetër që prej shpalljes së Pavarësisë. Dhe kjo nuk ka të bëjë me liberalizimin e vizave, as me integrimin në BE, OKB e çkado tjetër, ka të bëjë me të vërtetën e shqiptarëve kundrejt botës dhe ne e meritojmë çdo të mirë.

Thash pse të mos e nisë me këtë rikujtim pas një tweet-i që më doli në “feed”.

***

Në të njëjtën kohë, në kohën të cilën gjykata e Hagës ua ka dhënë në dispozicion për t’u përgatitur para se të fillojnë me paraqitjen e provave dhe dëshmitarëve, e konsideruan jo të mjaftueshme avokatët e Hashim Thaçit dhe Jakup Krasniqit, Lluka Mishetiq dhe Aidan Ellis. Në seancën e fundit para pushimeve verore, Mishetiqi tha se mbrojtja nuk po e merr trajtimin e njëjtë si prokuroria.

***

Nami u bo me zgjedhjet nacionale… rezultate preliminare me dy muaj vonesë, veç tash edhe me u mbajtë mbledhja e Komisionit Qendror për ndarje buxhetore, ndërsa një pjesë e mbledhjes do t’i kushtohet informimit për problemet që mund të shkojnë gjatë zgjedhjeve.

***

RTK-ja, ka mbajtë dje konferencë për media për mungesë të alokimit të buxhetit, për shkak të moskonstituimit të Kuvendit, ku u tha se situata vazhdon si e tillë 700 punëtorë do mbesin pa paga.

E përshembull një pyetje kështu që mund t’i shkoj në mend secilit që e lexon këtë informatë: Në rregull, po pajtohemi me faktin që kushdo që vjen në pushtet e ka dorën në televizionin publik, po pajtohemi edhe me atë që këdo që e largojnë nga puna nuk zëvendësohet nga dikush meritor por nga personi i pushtetit por për atë lajmin që shkruante para titullit: “ChatGPT said”, kush jep përgjegjësi?

Kur e kërkon buxhetin vjetor (e cila është kërkesë me të drejtë të plotë), a e mendon përgjegjësinë profesionale ndaj lexuesit, shikuesit i/e cili/a me paratë e tyre e paguajnë shërbimin që duhet ta marrin si duhet.

***

Dje u mbajt një koncert i lezetshëm në “Lavjerrs”, vendi me hapësirë minimale, me programin optimal veror. Bana Zahiti and Elsa Mala kanë sjellë koncert dhe përformancë në Hamidi, Mramor.

***

Në jetë, njerëzit na mungojnë dhe ju mungojmë. Natyrisht se na lejohet të qajmë dhe të shkarravitemi për ta… mirëpo gjithçka që e konsiderojmë “humbje”, është hapësirë për të mësuar se si funksionojmë pa gjërat që mendonim se nuk mundemi pa to.