27 Shkurt, 2025

Shkruan: Erletë Rrustemi

 

Kumti i editorëve: Ky artikull është shënuar për t’iu treguar gjendjen tonë emocionale, shpirtërore, politike, financiare, kulturore dhe motoristike bazuar në ngjarjet e vërteta të ditës së djeshme dhe domethënien e tyre për ne! Artikujt janë ditorë dhe bëhen një me ty kur ndajmë përditshmërinë e njëjtë në Kosovën tonë. Paper ndanë me ty!

Cili është kapitulli tjetër? Mund të të pyesin të tjerët. “Nuk jam i sigurt,” thuaj. “Sapo mbylla faqen e kapitullit të mëparshëm,” thuaj. “Nga do të shkojë historia prej këtu, nuk e kam të qartë,” thuaj. Kështu që pi kafen tënde. Përshëndete lindjen e diellit ndërsa mendon çfarë të pret përpara. Këtu, tani, është thjesht çështje e shijimit të këtij momenti të tanishëm.

Çfarë ka ndodhur dje në Kosovë?

Ministrja e Drejtësisë, Albulena Haxhiu, ka thënë se kryeministri Albin Kurti asnjëherë nuk ka refuzuar thirrjen e Prokurorisë Speciale për të dëshmuar.

Haxhiu, në një konferencë për media pas mbledhjes së Qeverisë, ka thënë se Kurti i ka ftuar prokurorët që të vijnë në zyrën e tij për të dhënë dëshminë, porse prokuroria nuk po duket e interesuar për këtë.

Haxhiu ka thënë se, nëse prokuroria i është drejtuar gjykatës me kërkesë duke thënë se Kurti po refuzon të japë dëshmi, atëherë e ka mashtruar gjykatësin dhe kjo është një gënjeshtër.

***

Kosovës, e cila cilësohet si “Regjim Hibrid ose Tranzicional”, i jepet vlerësimi me 38% në “përqindje të demokracisë”, ndërsa “vlera e demokracisë” jepet 3.29.

Më keq se Kosova del të jetë vetëm Bosnje-Hercegovina, e cila shënohet me 36% për demokraci.

Shqipëria, Serbia, Maqedonia e Veriut dhe Mali i Zi janë dukshëm më lart se Kosova, sipas raportit të organizatës prestigjioze ndërkombëtare “Freedom House”.

***

Në shpërfaqjen e votave të konsullatave në vendet e huaja, VV ka marrë shumicën dërrmuese të votave. Për shembull:

Londër: Nga 491 vota, Vetëvendosja ka marrë 425.
Megjithatë, numri i pakët i votave në konsullata, nga 300-400 për vendvotim – me gjithsej 15 mijë të votuar në total, duke përjashtuar ato me postë – nuk ndryshon ndjeshëm rezultatin e përgjithshëm.

Edhe sondazhet e exit-polleve e kishin parashikuar një gjë të tillë. Sido që të jetë, me 60% të votës së përgjithshme të diasporës, Vetëvendosja fiton vetëm një deputet më shumë, përkatësisht 48.

Në një botë të mbushur me shumë njerëz të mrekullueshëm, të lutem mos harro kurrë që ti je një prej tyre.

**

Është normale të ndihesh i vogël, madje i parëndësishëm, kur takon njerëz të rinj. Është e lehtë të dallosh sa të mrekullueshëm, të bukur dhe të talentuar janë të tjerët dhe të harrosh fuqitë e tua. Thjesht dua të të kujtoj se, edhe pse në këtë botë ka 7.9 miliardë njerëz, ti je ende unik. Ti ke rëndësi. Dhe ekzistenca jote është e rëndësishme.