17 Mars, 2025

Si të mos marrësh asgjë personale:

(Qëndro i/e qetë, ruaje fuqinë tënde dhe mbroje paqen tënde.)

Nuk është se jemi kushedi çfarë ekspertësh për t’iu përgjigjur kësaj pyetjeje, por kemi observimet tona nga përvojat personale dhe nga ajo që shohim në rrjetet sociale. Këto janë shtatë pikat që mund t’ju heshësh një sy, ndoshta të ndihmojnë të krijosh një drejtim (sigurisht, vetëm nëse je person që ndikohesh shumë nga fjalët e të tjerëve)

Nuk ka të bëjë me ty

Njerëzit nganjëherë i projektojnë vështirësitë dhe sfidat e tyre te njerëzit që kanë përreth. Kur ta kuptosh këtë, është më e lehtë të kesh një perspektivë më të qartë.

Bëja vetes të qartë që komentet negative kanë më shumë të bëjnë me folësin sesa me vlerën tënde.

Dije që çdo person është duke jetuar historinë e vet.

Përqafoje veçantinë që vetëm ti e ke

Të dashurosh atë që je të krijon një fuqi të brendshme, që asnjë faktor i jashtëm nuk mund ta paragjykojë apo ta lëkundë.

Festojë fuqinë, njohuritë dhe arritjet e tua.

Kuptoje që të kërkosh vazhdimisht aprovim nga të tjerët mund të zvogëlojë rritjen tënde të brendshme.

Trego ngrohtësi ndaj natyrës tënde dhe përdor afirmime pozitive në baza ditore.

Rrethoje veten me pozitivitet

Ambienti që të rrethon ndikon automatikisht në gjendjen tënde emocionale dhe mendore.

Zgjidh njerëzit që të përkrahin dhe të ngritin lart kur ke nevojë.

Vendos për një rreth njerëzish që të sjellin energji të mirë, njësoj si edhe ti për ta.

Përkufizo ose limito njerëzit që të shterrin energjinë tënde.

Kalo kohë me njerëzit që e vlerësojnë autenticitetin tënd.

Liroje veten nga nevoja për aprovim

Kuptoje që ti nuk je këtu për të kënaqur të tjerët. Nevoja për aprovim nganjëherë sjell stres të panevojshëm.

Fokusohu në vlerën tënde të brendshme, sesa në ngushëllimin që vjen nga pritshmëritë e të tjerëve.

Heq dorë nga dëshira për përfeksionizëm. Është normale të mos bësh gjithçka në mënyrë të përkryer.

Pyet në vend që të hamendësosh

Hamendësimi mund të të çojë drejt keqkuptimeve dhe stresit të panevojshëm. Nëse ke dyshime për diçka, bëj pyetje që qartësojnë situatën.

Nëse nuk e ke të qartë komentin ose veprimin e dikujt, pyet për sqarim.

Angazhohu në dëgjim dhe kuptimin e asaj që thonë të tjerët, që ta shohësh edhe perspektivën e tyre.

Shmangu nga  interpretimet negative që të krijon mendja, pa pasur prova.

Pusho para se të reagosh

Të krijosh një moment për të marrë frymë para se të përgjigjesh mund të të ndihmojë të menaxhosh emocionet.

Kur të përballesh me kritikë, merr frymë thellë dhe lejoje veten të qetësohesh, për t’i marrë gjërat me qetësi.

Konsideroje që dhënia e përgjigjes nuk ka nevojë të konsiderohet si një akt urgjent. Nëse je duke u ndier euforik, mund ta lësh momentin të kalojë.

Vendos kufij të qartë

Të përcaktosh qartë se çfarë je i/e gatshëm të pranosh është një mënyrë e mirë për të mbrojtur energjinë tënde.

Kuptoji limitet e tua personale dhe njëkohësisht mëso se cilat janë kufinjtë që nuk dëshiron të tejkalohen nga të tjerët.

Komunikoji kufijtë e tu edhe me të tjerët.

Qëndro konsistent në respektimin e kufijve të tu, pa u ndjerë fajtor pse i ke vendosur.