22 Korrik, 2025

Shkruan: Erletë Rrustemi

 

Kumti i editorëve: Ky artikull është shënuar për t’iu treguar gjendjen tonë emocionale, shpirtërore, politike, financiare, kulturore dhe motoristike bazuar në ngjarjet e vërteta të ditëve të shkuara dhe domethënien e tyre për ne! Artikulli është përmbledhje javore me lajme që kryesuan javë  dhe bëhen një me ty kur ndajmë lajmet e njëjta në Kosovën tonë. Paper ndanë me ty!

Koha jote është e kufizuar, prandaj mos e humb atë duke jetuar jetën e dikujt tjetër. Mos bini në grackën e dogmës, e cila është të jetosh me rezultatet e të menduarit të të tjerëve!

Sa e trishtë duhet të jetë të zgjohesh dhe të mos kesh afër njeriun që ke kaluar jetën me të, si ajo që e ka ndarë jetën me ta, ai/ajo që e ka pasë vëlla, ata që e kanë pasë babë dhe ata që e kanë pasë fëmijë.

Sa e vështirë është ta dish se e ke humbur dikë që ka qenë duke ndërtu vendin e kujtdo që ka pasë për të jetuar aty.

Dje dy punëtorë kanë vdekur pasi kanë rënë nga lartësia e një objekti në ndërtim në Gjakovë.

Dy persona u arrestuan pas ngjarjes, Prokuroria Themelore në Gjakovë ka njoftuar se ata janë ndaluar për veprat penale “Asgjësimi, dëmtimi ose heqja e pajisjeve mbrojtëse” dhe “Rrezikimi i sigurisë në vendin e punës”.

Në po të njëjtën ditë, vdiq edhe një person nga Istogu, i cili ishte lënduar në vendin e punës më 24 qershor, sipas policisë së Pejës.

Kjo shifër është më e lartë sesa vitin e kaluar, kur vdiqën shtatë punëtorë si pasojë e lëndimeve në vendet e punës, bazuar në të dhënat e Inspektoratit të Punës.

Më 2023 kanë vdekur 11 punëtorë e më 2022, 15.

Kur do të ndalet ky numër, kur do të hyjë dikush të punoj pa frikën se një ditë mund të vdes në vendin e punës nga mungesa e mjeteve që ju dhurojnë siguri, pa ambientin që ju ofron siguri.

***

Kryeministri në detyrë, Albin Kurti, e ka akuzuar Serbinë për nxitje të tensioneve në rajon.

Ai në një konferencë për media të mbajtur të hënën, ku ka folur për arrestimin e Igor Popoviqit, ndihmësdrejtorit të Zyrës për Kosovën në Qeverinë e Serbisë, ka thënë se secili që shkel rendin dhe ligjin do të përballet me drejtësi.

Ai i ka komentuar edhe deklaratat e presidentit të Serbisë, Aleksandar Vuçiq, që ka thënë se arrestimi i Popoviqit “mund të ketë pasoja të paparashikueshme”.

“Kur një president dhe njëkohësisht komandant suprem i ushtrisë së një shteti lëshon kërcënime publike me tone nxitëse të konfliktit, kjo nuk mund të konsiderohet më si qëndrim individual, por si politikë shoqërore.”

Popoviq, dyshohet se më 18 korrik në fshatin Hoçë të Madhe të Rahovecit, gjatë një fjalimi me serbët lokalë, e ka quajtur UÇK-në organizatë terroriste, ndërkohë e ka akuzuar edhe bashkësinë ndërkombëtare për siç ka thënë, heshtje ndaj autorëve të krimeve ndaj serbëve.

***

Ka qenë fundi i vitit 2019 kur e nisi rrugëtimin, por për “Unë jam vetë grua” ai ende nuk ka përfunduar. Shfaqja me tekst të Doug Wright, nën regji të Kushtrim Koliqit dhe me aktorin Adrian Morina, rikthehet me turne. Ferizaj, Gjakova, Gjilani, Mitrovica e Prizreni janë “gjeografia” e turneut “Zgjerimi i skenës për barazi – Unë jam vetë grua”. Lajmin për turneun në pesë qytete e ka bërë të ditur organizata joqeveritare “Integra” nëpërmjet një komunikate për media të hënën.

***

Punon shumë që të mund të luash fort. Në fund të ditës, bën gjithë punën dhe përfundimisht do të shpërblehet. Mund të ndodhë brenda një viti, mund të jetë brenda 30 vjetësh. Përfundimisht, puna jote e palodhur do të shpërblehet. Çdo gjë negative; presioni, sfida është e gjitha një mundësi për mua që të ngrihem.