24 Mars, 2025

A keni dëgjuar për garën më të vështirë në botë? Barkley Marathons është një nga garat më të pamëshirshme të ultramaratonave, e njohur për vështirësinë ekstreme dhe natyrën misterioze.

Ajo zhvillohet çdo vit në Frozen Head State Park, Tennessee, dhe u krijua në vitin 1986 nga Gary Cantrell, i njohur si Lazarus Lake. Gara frymëzohet nga arratisja e dështuar e një të burgosuri nga burgu afër parkut, i cili pas 55 orësh arriti të kalonte vetëm disa kilometra në terrenin e ashpër dhe vazhdimisht përfundonte në vendin e njëjtë.

Gara ka disa kushte për ta fituar: rreth 160 km (100 milje), janë të ndara në pesë xhiro prej afërsisht 32 km secila.

Garuesit duhet ta përfundojnë brenda 60 orëve.

Madje nëse veç je regjistruar në këtë garë, ekziston edhe dënimi:
Nëse dikush nuk arrinë të përfundojë të paktën dy xhiro, regjistrohet vetëm në kategorinë e vrapuesve “Fun Run”.

Totali i ngjitjes së kësaj gare ka rreth 20 mijë metra, që është sa dy herë lartësia e Everestit nga niveli i detit.

Pse është kaq e vështirë?

Gara zhvillohet në shtigje të egra, shpesh pa shtigje të dukshme, me pyje të dendur, gropa balte dhe shpate të pjerrëta. Në gara nuk lejohet përdorimi i GPS. Garuesit përdorin vetëm një hartë dhe një busull për t’u orientuar.

Gara fillon në një kohë të papërcaktuar midis mesnatës dhe mesditës, kur organizatori ndez një cigare (gara përfshin edhe detaje intersante dhe argëtuese)!

 

Garuesit duhet të mbajnë gjithçka me vete ose të marrin ndihmë vetëm në bazën e kampit pas çdo xhiroje.

Po librat e fshehur?

Për të vërtetuar se kanë ndjekur rrugën e saktë, garuesit duhet të gjejnë faqe nga libra të fshehur në terren dhe t’ia dorëzojnë organizatorit pas çdo xhiroje. Numri i faqes korrespondon me numrin e tyre të garës.

Si të bëhesh pjesë e Barkley Marathons?

Aplikantët duhet të dërgojnë një ese me titull “Pse mendoj se mund ta përfundoj Barkley Marathons”, të bëjnë një pagesë prej 1.60 dollarë dhe të dërgojnë targën e veturës së tyre. Deri tash çdo vit janë pranuar nga 40 persona.
Mirëpo që nga krijimi i garës në vitin 1986, vetëm një numër shumë i vogël garuesish e kanë përfunduar atë. Shumica e pjesëmarrësve nuk arrijnë të përfundojnë as gjysmën e distancës, duke bërë që gara të fitojë pseudonimin “The race that eats its young” (Gara që ha të rinjtë e saj).

Barkley Marathons 2025, (pra e këtij viti) përfundoi pa asnjë fitues, pra askush nuk arriti të kaloj pesë xhirotë brenda afatit kohor prej 60 orësh. Kjo vjen pas vitit 2024, kur pesë garues arritën të përfundojnë garën, duke përfshirë Jasmin Paris, e cila u bë gruaja e parë që e përfundoi me sukses këtë sfidë. Si përgjigje, organizatori Gary Cantrell (i njohur si Lazarus Lake) e bëri sfidën edhe më të vështirë për vitin 2025.​

Gara filloi të martën, më 18 mars 2025, në orën 11:37 të mëngjesit. Nga rreth 40 garues që morën pjesë, vetëm nëntë arritën të përfundojnë xhiron e parë brenda afatit 12-orësh për të vazhduar në xhiron e dytë. Megjithatë, asnjë prej tyre nuk arriti të përfundojë xhiron e dytë brenda 24 orëve të lejuara për të vazhduar në xhiron e tretë.

Vetëm John Kelly, një garues me përvojë dhe fitues i mëparshëm i Barkley Marathons, arriti të përfundojë tre xhiro (të njohura si “Fun Run”) brenda 40 orëve, me një kohë prej 39 orë, 50 minuta e 27 sekonda. Garuesit e tjerë, përfshirë Tomokazu Ihara nga Japonia dhe Sébastien Raichon nga Franca, nuk arritën të përfundojnë xhiron e tretë brenda afatit kohor. ​

 

Jasmin night running by @HowieSternPhotos