21 Korrik, 2025

Është e mërzitshme kur njerëzit të mbajnë ligjerata. Madje bezdisesh kur dikush fillon dhe të jep këshilla pa e pyetur.

Por është e rëndësishme kur muhabetet e rëndomta të sjellin tema me detaje që kishe harruar se janë ato, pra detajet që e bëjnë temën.

E bazuar në ngjarje të vërtetë… këtë fundjavë u dëshpërova kur harxhova në paisjen për dredha, kur nuk doli asgjë siç e mendova dhe urova. E kisha kohë që kërkoja diçka që i rregullon dredhat e mija pa dredha.

Andaj sot dua t’u tregoj çka mësova nga një video në youtube e Viktor Antonio, pse njerezit blejnë dhe pse nuk blejnë një produkt?

Ti lexues mund të qëllosh shitës, mund të qëllosh në ekipin e marketingut të ndonjë korporate apo mund edhe të analizosh forma se si t’i ndezësh rrjetet e tua sociale dhe ky artikull mund të t’i hapë sytë për diçka që ndoshta se ke ditur.

Le të themi që akronimi i biznesit tim është “Mali”. Janë pesë arsyeje pse një klient nuk mund të blejë tek unë; kur nuk ka para, kur nuk ka kohë, kur nuk ka nevojë, kur nuk ka urgjencë dhe kur nuk ka besim. Pra paraja, koha, nevoja, urgjenca dhe besimi.

Gjithçka bjen mbi këto kategori, ama një gjë që të gjitha studimet në lidhje me shitje e vendosin në theks, është se “kurrë nuk është puna tek paraja”.

Ne mund të debatojmë që 10-20 për qind e njerëzve nuk kanë paratë për të blerë atë çka unë apo një kompani mund të ofroj dhe jam dakord me ju në këtë çështje.

Por në shumicën e madhe, blerja nuk lidhjet asnjëherë me çmimin.

Gjëja e parë që bëjmë gabim kur shesim produktin është “kur i zbresim çmimin produktit tonë” sepse mendojmë që kjo na ndihmon të shesim më lehtë.

Por sa më shpejt që ti e zbret çmimin, a e di se çfarë mesazhi i jep konsumatorit?

Mesazh të keq. Po, është mesazhi më i keq, ti e validon frikën tënde.

Nuk është asnjëherë tek paraja, shumica prej jush… (më tregoni nëse e kam gabim), sa herë keni blerë diçka që ka kushtuar por e morrët pasi ua shiti dikush i besueshëm?

Të gjithë e kemi bërë këtë.

Nuk është për kohën. Më trego vlerën dhe unë do ta krijoj një kohë të lirë… hmm nuk është kjo. Më trego nëse më duhet ky produkt… hmm as kjo s’është e mjaftueshme.

Fjala kyçe është urgjenca. A e sheh, puna jote si shitës është të krijosh sensin e urgjencës dhe nganjëherë konsumatorët nuk e shohin, nuk e vërejnë, janë aq të fokusuar tek çmimi sa që nuk e vërejnë sa shumë ja kanë nevojën.

Sipas një raporti nga HubSpot Research, mbi 58% e konsumatorëve deklarojnë se vendimi për të blerë diçka ndikohet më shumë nga besimi tek shitësi ose brendi, se nga çmimi i produktit. Po ashtu, një studim tjetër nga Salesforce tregon se 79% e blerësve presin që shitësit të veprojnë më shumë si këshilltarë të besueshëm se si shitës tradicional që “mbyllin një marrëveshje”.
Kjo do të thotë se njerëzit blejnë nga persona, jo nga produkte.