26 Shkurt, 2025

Gratë e rrotullojnë botë! Sot do të ju njoftojmë për një ndër gratë që ndryshuan historinë.

Katharine Graham është “trashëgimia e fuqishme” që gazeta e famshme Washington Post e la pas për brezat e rinjë të gazetarëve. Ajo cilësohet si një nga gratë më të guximshme pasi sfidoi qeverinë e atëhershme për publikimin e dokumenteve të skandaleve të Pentagonit dhe historinë e Watergate.

Raporti i Katharine me gazetën Washington Post, ekzistonte qysh moti, kur babi i saj i pasur e bleu në një ankand falimentimi gazetën në vitin 1933, vetëm si biznes familjar. Pasi Katharine përfundoi kolegjin u martua menjëherë me Philip, të cilit babai i Katharine i kishte dhuruar shumicën e aksioneve në Washington Post.

Në disa intervista të saj, Katharine kishte thënë se “Nuk e di si e pranova këtë fakt, mirëpo shumë shpesh ambiciet dhe dëshirat e Philip ishin mbi të mijat. Ndërsa, ai u shfaq më shumë në skenat gazetareske dhe politike, unë e shihja gjithmonë rolin tim si “bishti në çift” dhe sa më shumë që ndihesha në hije, aq më shumë bëhej realitet”, tha ajo.

Deri në mesin e të 40-tave, Katharine, e shikonte veten vetëm si një grua e cila kishte një jetë të qetë mirëpo nuk posedonte një ndjenjë të autonomisë profesionale. Mirëpo jeta e saj mori kthesë tjetër kur burri i saj, Philip – president dhe ish-botues i TWP, vrau vetën pasi vuante nga depresioni maniak, duke e futur Katharine në një rol që ajo kurrë nuk e imagjinonte se ishte e kualifikuar për ta mbajtur.

Duke i befasuar kolegët e saj meshkuj, si dhe veten, ajo e përqafoi rolin e saj të ri shumë kohë përpara se “udhëheqja” të bëhej thirrje për gjitha gratë gazetare. Udhëheqja e saj e guximshme e ndryshoi rrjedhën e gazetarisë në Amerikë, por si çdo grua e fortë që historia përshkruan, edhe Katharine u anashkalua.

Të shkruaj sot për këtë histori të një gruaje me kaq guxim, po aq sa është e dhimshme është edhe inkurajuese – kjo e fundit ndihet sot kur ajo nuk është gjallë dhe kur kontributi i saj ka lënë gjurmë. Mirëpo nuk ishte e tillë kur ajo po luftonte me aq shumë burra dhe kur inferioriteti e kishte mbështur me shpatulla pas mureve.

Thuhet se Katharine ishte aq e shqetësuar me rolin e saj si shefe për të folur para çdo lloj audience sa kaloi orë të tëra duke ushtruar se si të thoshte “Gëzuar Krishtlindjet”, përpara se të organizonte festën e saj të parë të stafit.

Sigurisht që kishte pak modele femrash që ajo t’i imitonte ose kolege që të mund t’i kërkonte për shoqëri. Fakti që gratë ishin të përjashtuara nga pozitat e pushtetit në organizatat e lajmeve në atë kohë dhe mbanin më pak se 20 përqind të punëve në gazeta, gjë që meshkujt e shfrytëzonin dhe kur bëhej fjalë për vendimarrje ta konsultoheshin vetëm mes vete, pa marrë mendimin e grave.

Kjo situatë e shtyu Graham për të botuar Dokumentet e Pentagonit, një studim top-sekret i qeverisë për përfshirjen ushtarake amerikane në Vietnam – pasi New York Times ishte urdhëruar nga gjykata që të mos e bënte këtë për të vazhduar me hetimin e Watergate i cili i dha asaj një reputacion si një gazetare e guximshme dhe e drejtë.