Home
Sport
28 Tetor, 2024
Përballja e djeshme në mes të Manchester United dhe West Ham United, ku kjo e fundit shënoi fitore 2:1, vendosi përfundimisht fatin e trajnerit Erik Ten Hag.
Tashmë edhe zyrtarisht Manchester United ka marrë vendimin për ta shkarkuar atë.
Arsyeja pse ‘Djajtë e Kuq’ e morën këtë vendim janë rezultatet e dobëta të teknikut holandez këtë sezon.
Momentalisht Unitedi mban pozitën e 14-të në Ligën Premier me vetëm 11 pikë të fituara.
Në situatë të pafavorshme është edhe në Ligën e Evropës, aty ku së fundmi u ndalën me barazim 1-1 me Fenerbahcen në Turqi.
Lajmi për shkarkimin e Ten Hag u bë zyrtare nga vet faqja zyrtare e klubit.
Romano tha se pas një diskutimi të brendshëm mes hierarkisë së klubit u mor vendimi për shkarkimin e Ten Hag.
Ai përkohësisht do të zëvendësohet nga Ruud Van Nistelrooy që deri më tani ka qenë në rolin e asistentit.
Ten Hag, kishte marrë drejtimin e Unitedit në korrik të vitit 2022 pasi shkëlqeu tek Ajaxi, ndersa për këto dy vite ai fitoi dy trofe.