29 Korrik, 2025

Shkruan: Erletë Rrustemi

 

Kumti i editorëve: Ky artikull është shënuar për t’iu treguar gjendjen tonë emocionale, shpirtërore, politike, financiare, kulturore dhe motoristike bazuar në ngjarjet e vërteta të ditëve të shkuara dhe domethënien e tyre për ne! Artikulli është përmbledhje javore me lajme që kryesuan javë  dhe bëhen një me ty kur ndajmë lajmet e njëjta në Kosovën tonë. Paper ndanë me ty!

Në mesin e sfidave të përditshme dhe lajmeve që shpesh na duken të rënda, Kosova vazhdon të dëshmoj se është një vend që nuk e humbë kurrë shpresën. Energjia e njerëzve, kreativiteti dhe rezistenca përballë vështirësive mbeten një dëshmi e forcës sonë si shoqëri.

A i shkojmë kështu një përmbledhjeje se çka na ka ndodhë për këta muaj në Kosovë që e ka sjellë gjendjen këtu ku jemi sot; inflacioni në qershor ka shënuar rritje në 4.2%, me artikuj kyç si çmimet e mishit, energjisë elektrike dhe ushqimeve bazë.

Kosova mbetet nën sanksione (të pajustifikuara) të BE-së, duke bllokuar mbi 600 milionë euro në projekte (nën kornizat IPA dhe WBIF).

Për shkak të dështimit për të mbledhur Kuvendin dhe për të ratifikuar marrëveshjen e lidhur me fondet e Planit të Rritjes së BE-së, Kosova deri më tani ka humbur 60 milionë euro nga afërsisht 900 milionë euro të ndara nga BE-ja, me më shumë në rrezik nëse ngërçi vazhdon.

Rreth 400 milionë euro projekte të tjera të parashikuara në marrëveshje dypalëshe ose shumëpalëshe, janë gjithashtu në pritje të ratifikimit në Parlament.

Ndërkohë, anulimi i plotë i mbështetjes së USAID-it dhe pezullimi i grantit MCC ka ngrirë ose anuluar 350 milionë dollarë mbështetje financiare amerikane. Këto janë shuma marramendëse për çdo vend në zhvillim, e lëre më për Kosovën, një vend me 1.6 milionë banorë, ende i varur nga dërgesat e diasporës.

Për më tepër, deficiti tregtar vetëm në qershor arriti në një shifër të pabesueshme prej 500 milionë eurosh, një rritje rekord prej 17%, e nxitur nga një rritje e importeve dhe eksporteve të ngadalta, e cila tregon për një ekuilibër të dobët ekonomik në aspektin tregtar, sidomos kur eksportet rriten ngadalë ose stagnojnë, ndërsa importet vazhdojnë të rriten.

***

Në anën tjetër me disa statusa të çuditshëm në “Facebook” nga peronalitetet e LVV-së, të cilët pa pikë shpjegimi postuan duke shënuar emrin dhe mbiemrin “Albin Kurti”, më bën që të hamendësoja “a e ka kap lemza Kurtin?”.

Edhe çka po ndodhë me të? Ndoshta po ja thirrin emrin duke e manifestu rizgjedhjen e tij si kryeministër.

***

Tre qytetarë serb u shpallën fajtorë për sulmin ndaj zyrave të Komisionit Qendror të Zgjedhjeve në veri të Kosovës, në dhjetor 2022. Milun “Lune” Milenkoviç dhe Aleksandar Vlajiç u dënuan me nga pesë vjet burg për veprën penale të kryerjes së veprave terroriste, ndërsa Dejan Pantiç u dënua me dy vjet burg. Miomir Vakiç, i katërti në këtë proces, u shpall i pafajshëm dhe u lirua nga akuzat.

***

Vërtet motoja “Ëndrra pa kufi, Opera pa mure” i shkon për shtat koncertit me sopranon e skenave botërore, Marigona Qerkezi.

Vendi ka zëra të shquar lirikë që bëjnë karrierë në shtëpi të mëdha operistike botërore. Por nuk u jepet mundësia dot. Kthehen duke sjellë copëza të këtyre veprave operistike, teksa në vend mezi realizohet një e ngjashme në vit. Sjellin edhe tingullin e tyre lirik në perlat shqiptare, si dëshmi e vlerësimit të thesarit të vendit, por edhe si dhuratë për publikun.

Këtë e ka bërë edhe sopranoja e shquar në botën e këndimit lirik në kuadër të festivalit të operës “Rame Lahaj”, i cili filloi më 23 gusht dhe përfundon 1 gusht.

***

Edhe pse shifrat dhe zhvillimet politike nuk japin gjithmonë lajmin më të mirë, Kosova vazhdon të tregoj se ka potencial të jashtëzakonshëm njerëzor e kulturor. Duke u mbështetur në talentet tona dhe duke e kërkuar me ngulm stabilitetin ekonomik e politik, mund të ndërtojmë një të ardhme ku lajmet e mira nuk do të jenë përjashtim, por rregull.