Dje Lëvizja Vetëvendosje u sigurua që ta rikujtoj se ka qenë kundër  themelimit të Gjykatës Speciale që nga fillimi dhe kërkoi që ata që kanë lobuar për krijimin e saj të shprehin pendesë duke përmendur konkretisht kryeministrin e Shqipërisë, Edi Rama, i cili sipas tyre kishte ardhur në Kosovë për të bindur deputetët ta votonin Gjykatën.

Natyrisht se Edi Rama nuk e kurseu nga përgjigja, teksa tha se nuk është në “asnjë garë me Vetëvendosjen” dhe se është keq që kjo lëvizje po ngatërron raportet Kosovë – Shqipëri me politikën lokale të zgjedhjeve komunale.

Ai shtoi se gjithmonë ka denoncuar padrejtësitë ndaj Thaçit e të tjerëve, ndërsa për qëndrimet e para 10 vjetëve të Vetëvendosjes i tha se ajo nuk njihte as himnin e Kosovës e jo më pafajësinë e Hashim Thaçit, të cilin do ta donte përjetësisht në Hagë.

Rama u kujtoi se Gjykata Speciale u krijua për hetime mbi trafikun e organeve, jo për të ndëshkuar drejtuesit e UÇK-së.

Po sipas teje i dashur lexues, kjo ndërhyrje politike a e ka zbehur moton e protestës në përkrahje të UÇK-së në Tiranë?

Ndoshta nëse në piedestal do të vihej Kosova, e ardhmja e saj, dhe po të luftohet për historinë e luftës së saj, sot në protestën nga ora 17:00 prezent do të ishin edhe Kurti edhe Osmani dhe gjithë të tjerët që besojnë se fëmijët e tyre meritojnë të mësojnë për luftën e pastër të vendit të tyre.

Mos të harrojmë që cilido që të jetë vendimi i kësaj gjykate për krerët e UÇK-së do të vulosë edhe historinë e vendit tonë.