Shkruan: Erletë Rrustemi

Kumti i editorëve: Ky artikull është shënuar për t’iu treguar gjendjen tonë emocionale, shpirtërore, politike, financiare, kulturore dhe motoristike bazuar në ngjarjet e vërteta të ditës së djeshme dhe domethënien e tyre për ne! Artikujt janë ditorë dhe bëhen një me ty kur ndajmë përditshmërinë e njëjtë në Kosovën tonë. Paper ndan me ty!

Lexues i dashur, kjo periudhë e përfundimit të verës, na gjenë si çdoherë me zhvillme të reja politike apo vazhdimësi të tyre, në përgatitje për fillime të reja dhe me raste nga kronika e zezë që përfundojnë me fatalitet por prej të cilave fatkeqësisht nuk mund të ikim:

Çfarë ndodhi brenda një jave në Kosovë?

Gjatë javës që po lëmë pas, në Kosovë, pati zhvillime të rëndësishme që përfshijnë vizitën e Drejtorit të CIA-s, William Burns, në Prishtinë. Burns u takua me Kryeministrin Albin Kurti dhe Presidenten Vjosa Osmani, ku u diskutua për forcimin e marrëdhënieve dypalëshe mes SHBA-së dhe Kosovës. Vizita e tij është parë si një mesazh i qartë për mbështetjen e vazhdueshme të SHBA-së ndaj Kosovës, megjithëse janë shprehur shqetësime për trajtimin e çështjeve që lidhen me minoritetin serb në Kosovë.

Në javën e dytë të gushtit, autoritetet e Kosovës nisën testimin e urës së Ibrit në Mitrovicë në kuadër të planit për hapjen e saj për qarkullim për vetura. Plani është kundërshtuar nga shtetet partnere. Pas reagimeve, Kurti kishte thënë se do të vazhdojnë diskutimet dhe koordinimin për këtë çështje.

Për këtë çështje kanë reaguar shtetet e QUINT-it, gjatë kësaj jave ka reaguar edhe ambasadori gjerman në Kosovë, Jorn Rohde. Ai ka përsëritur qëndrimin e shtetit gjerman për hapjen e Urës mbi lumin Ibër në Mitrovicë. Rohde ka thënë se situata aktuale e sigurisë nuk është në favor të hapjes së kësaj ure, ani pse ka një marrëveshje të arritur kohë më parë për këtë. Ai po ashtu ka thënë se ka rrezik për tensione, nëse ura hapet.

Mbi 10 mijë qytetar serb janë pajisur me pasaporta të Kosovës që nga 1 janari i këtij viti. Kryeshefi ekzekutiv i Agjensisë për Regjistrim Civil (ARC), Blerim Camaj, tha se beson se shkaku kryesor për rritjen e interesimit është liberalizimi i vizave (Koha.net)

Nga lajmet lokale në qytetet e Kosovës, u raportua se situata në veri të vendit vazhdon të jetë e tensionuar. Policia e Kosovës ka rritur masat e sigurisë në zonat ku banojnë komunitetet serbe, për shkak të përshkallëzimit të mundshëm të dhunës. Autoritetet lokale po bashkëpunojnë ngushtë me forcat e KFOR-it për të garantuar qetësinë dhe stabilitetin në rajon.

Në sektorin e arsimit, mësuesit dhe nxënësit po përgatiten për fillimin e vitit të ri shkollor, ndërkohë që Ministria e Arsimit ka bërë thirrje për respektimin e masave të sigurisë dhe protokolleve shëndetësore në shkolla.

Në kronikën e zezë nga Kosova, janë raportuar disa ngjarje të rëndësishme.

Aksidentet në Trafik: Të premten kanë ndodhur disa aksidente rrugore në rrugët kryesore të Kosovës. Një nga aksidentet më të rënda ndodhi në autostradën Prishtinë-Pejë, në Komoran ku një person ka vdekur, kjo pasi makina u përplas me një kamion. Autoritetet po hetojnë shkaqet e aksidentit dhe kanë bërë thirrje për kujdes të shtuar gjatë vozitjes​.

Ngjarje Kriminale në Veriun e Kosovës: Situata në veri të Kosovës vazhdon të jetë e tensionuar me incidente të izoluara kriminale. Ka pasur raporte për përplasje të vogla mes grupeve të rinjsh nga komunitetet e ndryshme etnike, në të cilat kanë ndërhyrë shpejt policia. Gjithashtu, janë raportuar disa raste të dëmtimit të pronave private, që lidhen me tensionet etnike në rajon ​(Radio Evropa e Lire).

Kulturë shqiptare:

Dorëshkrimet e veprave të autorit Ismail Kadare: “Spiritus”, “Darka e gabuar”, “Ra ky mort e u pamë”  i janë dorëzuar Drejtorisë së Përgjithshme të Arkivave në Tiranë. Kjo është bërë e ditur të enjten nga ky institucion e po ashtu nga kryeministri i Shqipërisë, Edi Rama.

Mitrovicë: Për më shumë se një orë, Gunhild Carling bashkë me “Big Band-in” e festivalit të Jazzit në Mitrovicë dhe vëllaun e saj si solist, klarinetistin Max Carling, pasuruan repertuarin botëror të jazzit me ritme ‘blues’, ‘swing’ e ai klasik, për të vetmin event të këtij lloji.

Ne jetojmë atë që vetë kemi shkaktuar! Pavarësisht kësaj, prap vazhdojmë duke i përballuar situatat; sado sfiduese, sado të dhimbshme dhe kaotike të jenë ato. Në mëngjesin e sotëm, ngjarjet e djeshme mbeten vetëm si ngjarjet e një ditë që tashmë ka kaluar. Mund të tingëllojë klishe kur lexohet, por sot është një ditë e re, më pak e dhimbshme se sa ajo çka ka ndodhur dje për tu jetuar, me një mësim më shumë për të vazhduar tutje dhe me më shumë energji për të përballuar gjithçka.

Kalo një ditë të mirë, udhëtar i ditës së re!