26 Nëntor, 2024

A votojnë sot elektorati duke u bazuar në emrin e partisë a në personalitetet që e përfaqësojnë parti?

Bazuar në datën e lindjes së Lumir Abdixhikut, më 22 prill, ai është person i shenjës së demit, një shenjë që lidhet me vendosmërinë, stabilitetin e njëkohësisht pak me arrogancën dhe kokëfortësi që dinë të shkaktojë edhe sabotim të situatave.

Duke zbërthyer këtë informacion në një analizë astrologjike të bazuar në birth chart-in e kryetarit të LDK-ës, Lumir Abdixhiku dhe tranzitet planetare për vitin 2025, parashikimet tregojnë potencial për arritje të rëndësishme në zgjedhjet parlamentare të 9 shkurtit 2025.

Elementet kyçe të profilit astrologjik:

Dielli në dem – flet për një lider të qëndrueshëm dhe pragmatik, i cili ka aftësi të krijojë lidhje të forta me njerëzit dhe të ruajë besimin e tyre. Demi është gjithashtu një shenjë e lidhur me vlerat tradicionale që e bënë të aftë për të adresuar çështje komplekse.

Në shenjën e tij në hëna (pa e ditur orën e lindjes) ka mundësi të jetë në binjak apo gaforre

Ndërsa nënshenja e tij shfaqet tek një virgjëresh e kompleksuar.

Tranzitet kyçe deri në fund të 2024-së që sigurojnë sukses në fillim të 2025

1 dhjetor: dielli del në shigjetar, sjell fokus në çështje të karrierës dhe objektivave afatgjata. Veç me qenë kryetar i LDK-së është sfidë në vete, fakti që duhesh me tejkalu Agim Veliun, me marrë diçka që një person që është shoqëru me ty e ka dashtë (Vjosa Osmani) por në fund e ki në krah një person si Imri Ahmetin e Lipjanit, Gazin e Pejes që të përkrahin, sfisat bëhën kaluese…

7 dhjetor: Venusi kalon në Akrep, duke rritur intensitetin emocional dhe duke sjellë mundësi për thellimin e marrëdhënieve.

12 dhjetor: hëna e plotë në binjakë ndikon në komunikim dhe mund të zgjidhë çështje të pazgjidhura. Një pajtueshmëri e LDK-ës me Vjosa Osmani në rrugë?

24-28 dhjetor: jupiteri del në dem në aspekt harmonik me diellin favorizon suksesin profesional dhe rritjen personale. Një fushat e suksesshme, një Prishtinë prapë me shumicë LDK-iste, mbizotrimi i disa qendrave si Peja, Istogu apo edhe rikthim i Gjilanit. Mos po mendohet për një koalicion? Mos po thyhet 50 përqindëshi? Mos programi ekonomik dhe aktivizimi i pa parë më herët i Hykmete Bajramit do të sjell suksese në parafushatën e LDK-së?

Në përgjithësi:

Demi duhet të shfrytëzojë fundin e vitit për të fokusuar energjinë te qëllimet afatgjata, marrëdhëniet e qëndrueshme dhe mundësitë që sjellin rritje financiare. Kohët e mira për të marrë vendime të mëdha janë fundi i dhjetorit kur energjitë janë më harmonike dhe jupiteri sjell fat.