Home
N’Kosovë
4 Nëntor, 2024
Mimoza Kusari Lila, shefe e Grupit Parlamentar i VV-së, thotë se nuk po i duhen votat e opozitës për miratimin e projektbuxhetit për vitin 2025.
Kusari Lila shtoi se asgjë nuk është e re që opozita të mos e votoj buxhetin, por kjo sipas saj nuk është problem pasi që pozita tashmë i ka votat e nevojshme.
“Në fakt nëse e shikoni paternin e partive të opozitës në asnjë nga të gjitha miratimet që kanë ndodhur në këtë legjislaturë, dhe ky është i katërti me radhë, opozita nuk ka marrë pjesë”, ka thënë Kusari Lila.
Shefja e deputetëve të pushtetit, tha se e kanë shumicën parlamentare.
Sipas Kusari Lila, fuqia e pozitës është parë edhe javën e kaluar në votimet e thjeshta ku sipas saj pozita arriti të miratoj ligje dhe vendime të tjera.
“Për opozitën s’kam çka të them, kanë përcaktuar dhe vendosur në një rrugë tjetër. Është çështje e vendimmarrjes së tyre”, tha Kusari Lila.