Të parat shqiptare në penë, art, ligj, skenë dhe zë

Paper Radio
ON AIR
91.1 Prishtinë
91.1 Podujevë
91.1 Fushë Kosovë
91.1 Artanë
91.1 Kastriot
91.1 Graçanicë
91.1 Drenas
91.1 Lipjan
91.1 Tiranë/Dajt
101.8 Durrës
104.1 Fier
102.7 Vlorë
88.9 Himarë
88.6 Sarandë & Ksamil

Ngjarje drejtpërdrejt nga Prishtina

LIVE

9 Dhjetor, 2024

Nëse energjia është frekuenca më e fortë që t’i mund të ndjesh në një dhomë, pasioni është energjia më e fortë. Sepse çdo gjë e bërë me shumë pasion, është e bërë mirë.

Këto janë pesë gratë, që pasioni i shtyu të bëhën të parat në atë që shprehën përmes punës

Musine Kokalari (1917-1983): Publicistja e parë shqiptare

Me një shpirt të revoltuar dhe penën si armë, Musine Kokalari u bë zëri i parë i femrave shqiptare në publicistikë. Përmes librit të saj të famshëm “Seç më thotë nëna plakë”, ajo rrëfeu me guxim realitetin dhe sfidoi shtypjen komuniste.

Fjalët e saj që thyen heshtjen:
“Për shëndetin tim nuk i drejtohem kujt, aq më pak atij që kishte në dorë të më lehtësonte dënimin.”

Erifili Bezhani (1917-1959): Avokatja e parë shqiptare

Diplomuar në drejtësi në Francë, Erifili Bezhani ishte simbol i përpjekjes dhe kurajos në një kohë kur drejtësia i mbylli dyert. E dënuar nga regjimi, ajo gjeti shpëtim në botën e përkthimeve, duke dhënë kontribut të çmuar falë njohurive të saj në gjashtë gjuhë të huaja.

Nexhmie Zaimi (1917-2003): Gazetarja e parë shqiptare me emër botëror

E njohur si “Mbretëresha e pakurorëzuar e shqiptarëve,” Nexhmie Zaimi punoi për CNN dhe Voice of America, duke u bërë një nga zërat më të njohur shqiptarë në arenën ndërkombëtare. Në vitet ‘50, ajo raportoi nga Lindja e Mesme, duke dhënë perspektivën shqiptare në skenën globale.

Eleni Qirici (1928): Aktorja e parë shqiptare në Hollywood

Një yll që ndriçoi në skenat botërore, Eleni Qirici ishte pjesë e industrisë prestigjioze të “Goldwyn Mayer”. Me prindërit e saj, ajo u rikthye në Shqipëri dhe dha shfaqje të paharrueshme në qytete të ndryshme, duke u bërë edhe koreografja e parë që themeloi trupën shqiptare të baletit.

Valentina Pistoli (1928): Arkitektja e parë shqiptare

Një vizionare nga Korça, Valentina Pistoli la gjurmë në historinë e arkitekturës shqiptare. E diplomuar në Sofje, ajo udhëhoqi projektin e Hotel Tirana, ndërtesa ikonike 15-katëshe që qëndron si dëshmi e talentit dhe përkushtimit të saj.