17 Janar, 2023

Note: Ky blog është krijuar për t’iu ofruar juve një këndvështrim të sinqertë rreth temave të caktuara, duke filluar nga librat dhe kultura, e deri tek mendimet dhe qëndrimet tona. Çfarëdo që të duket personale, mos e konsidero të tillë. Disa janë të bazuara në eksperienca personale, disa në vlerësime filozofike e psikologjike, e disa të tjera në evidencë. Ideja është që të mësosh diçka nga përvojat tona dhe pse jo të të gjenden ndonjëherë në jetë. No hard feelings. It’s all based on a true story. Paper Team

Dikur një fshat i vogël peshkimi, rajoni i Shenzhenit është shndërruar në një nga qytetet më të populluara të Kinës.

Që kur u bë një zonë e veçantë ekonomike në vitin 1980, kjo zonë mban një komunitet global sipërmarrësish dhe piktorësh që kanë ndihmuar në formimin e qytetit dinamik që qëndron sot. Dy muaj më parë, një librari e re e jashtëzakonshme, “Shenzhen Zhongshuge”, u hap në Shenzhen dhe dizajnerët e saj në X+Living donin t’i bënin homazhe transformimit dhe përparimit të qytetit përmes dizajnit.

Në fazat fillestare të projektit, Xiang dhe ekipi i saj ideuan se si mund të krijonin një librari për të përfaqësuar historinë e qytetit.

“Në procesin e kërkimit të sfondit kulturor të këtij qyteti, kuptova se mund të dizajnoja një hapësirë e cila mund të bëhej simbol i vetë Shenzhenit, si një qytet gjithëpërfshirës dhe gjallërues i migrantëve, duke i nderuar të gjithë ata që kanë luftuar për të bërë histori në këtë qytet”, thotë Xiang.

Rafti mbresëlënës i librave përfaqëson vetë historinë, ndërsa simbolizon shpejtësinë me të cilën lulëzoi dhe u rrit kjo zonë e Kinës. “Zhvillimi i historisë është në spirale dhe kthesë, dhe trajektorja historike për të çuar përpara shoqërinë nga ata pionierë është kondensuar në një shkallë spirale hieroglifike,” shpjegon Xiang. “Kjo është një shkallë e historisë që është ndërtuar gjatë orëve të panumërta, duke përcjellë ndjenjën se historia po shtyhet në kohë me një ritëm të shpejtë.”

Shkallët shërbejnë si një instalacion arti simbolik dhe si një raft librash funksional, ku klientët mund të shohin librat e tyre të preferuar. Për këtë pjesë, Xiang u frymëzua nga artisti bashkëkohor Anish Kapoor, veçanërisht nga vepra e tij, “Memory”, të cilën ajo e pa për herë të parë në Deutsche Guggenheim në Berlin.

Libraria “Shenzhen Zhongshuge” u përfundua në nëntor 2021 dhe aktualisht është e hapur për publikun.