8 Nëntor, 2024

Shkruan: Erletë Rrustemi

Kumti i editorëve: Ky artikull është shënuar për t’iu treguar gjendjen tonë emocionale, shpirtërore, politike, financiare, kulturore dhe motoristike bazuar në ngjarjet e vërteta të ditës së djeshme dhe domethënien e tyre për ne! Artikujt janë ditorë dhe bëhen një me ty kur ndajmë përditshmërinë e njëjtë në Kosovën tonë. Paper ndan me ty!

Sa e shijoj kur shoh njerëzit të përshëndeten! Duket sikur në mes kanë një vijë të hollë që i ndan nga malli dhe kënaqësia e përqafimit! Dashuri…

***Dje n’Kosovë

Lidershipi i ri i BE-së mund të provojë rrugë të reja të dialogut Kosovë-Serbi. A mund të prodhojë kjo shkëmbim territoresh?

Presidentja e Komisionit Evropian, Ursula von der Leyen, e cila ka marrë edhe një mandat pesëvjeçar, ia ka besuar ish-diplomates sllovene, Marta Kos, procesin e zgjerimit.

Me ndërrimin ose mosndërrimin e presidentëve dhe komisionerëve, a do të ketë ndonjëherë implementim të ri nëse vetë Kosova dhe Serbia nuk duan të vazhdojnë përpara? Nëse gjërat nuk ecin, a do të ketë rrugë të reja?

***Prishtinë

Edhe një muaj kohë deri në dorëzimin e listave të kandidatëve për deputetë. Kush do të prijë me gatishmërinë e tyre për të pushtuar rrjetet sociale me promovime?

Madje, në Komunën e Prishtinës ka filluar të ndjehet mungesa e punës nga anëtarët e kabinetit të kryetarit Përparim Rama, kjo pasi ata kanë filluar angazhimet në përgatitjet për zgjedhjet parlamentare!

Nënkryetarët Alban Zogaj dhe Jehona Lushaku, si dhe drejtorët Florian Dushi, Izet Sadiku dhe Krenarë Xhaferi, i kanë lënë biçikletat dhe Prishtinën e Përjetimeve për t’u fokusuar në të qenit deputetë të Kuvendit të Kosovës. Çfarë ndodh me postet që këta të fundit mbajnë në kryeqytet? A kërkohet dorëheqja që nga fillimi i kampanjave?

****Përditshmëri

Studentët e Universitetit të Prishtinës bojkotojnë ligjëratat, kërkojnë kthimin e afatit të prillit dhe nëntorit. A është kjo produkt i neglizhencës së profesorëve apo vetëm një grup studentësh me kërkesa të tjera?

***Kulturë

Në kuadër të Festivalit Re Musica, sonte më 8 nëntor, në natën përmbyllëse, kemi edhe koncertin autorial të maestros Rafet Rudi për 75-vjetorin e tij.

***

I dashur lexues, mbaje në mend këtë: Kur mendjet tona ndalen për të reflektuar, shpesh gjejmë përgjigje që zemrat kanë pritur gjithmonë.